Vikan - 31.10.1991, Page 34

TEXTI: GUNNAR H. ÁRSÆLSSON
Egill Ólafsson var að gefa út sína fyrstu
sólóplötu. Tifa Tifa heitir hún og kom
út um miðjan október. Af því tilefni
mælti Vikan sér mót við hann á svölu
síðdegi. Við hittumst á heitum pitsu-
stað í miðborginni og Egill var fyrst spurður að
því hvort það væri mikill léttir að vera búinn
með plötuna.
„Því er bæði hægt að svara játandi og neit-
andi. Það er alltaf erfitt þegar maöur er að
vinna hugverk að setja punktinn aftan viö og
alltaf viss tregi til staðar þegar maður gerir
slíkt. Það sest líka stundum aö langvarandi
tómleikakennd en þá er um að gera að byrja
að hugsa um eitthvað annað. Léttirinn er samt
frekar ofan á að þessu sinni.“
ELSTA LAG PLÖTUNNAR FRÁ 1982
Egill byrjaði að vinna að plötunni í janúarlok,
aðallega einn með sjálfum sér, vann í textum
og lögum. Sumum eldri lögum, sem hann átti í
fórum sínum, breytti hann. Elsta lag plötunnar
er upprunalega frá árinu 1982, önnur fjögur
aðeins nýrri en fimm laganna samdi Egill þeg-
ar tók að vora. Því má segja að Tifa Tifa
spanni næstum tíu ára tímabil. Þegar kom að
upptökum gengu þær snurðulaust fyrir sig
enda allt mjög vanir menn i faginu sem unnu
að plötunni með Agli. „Þetta var allt saman
mjög skemmtilegt og ekkert í rauninni sem
kom á óvart við vinnslu plötunnar," segir Egill.
- Felur titill plötunnar í sér tilvísun í tímann
eða kannski bara lífið sjálft?
„Ja, þetta tifar allt meira og minna; hjartað
tifar, hendur tifa, klukkan tifar og tifa getur líka
verið smábára. Annars var ég nú líka bara að
finna skondið nafn á plötuna, var reyndar með
nokkur í huga en leist best á þetta. Og að sjálf-
sögðu vísar það til titillagsins sem fjallar um
lífsdansinn sem við dönsum öll. Eftir á að
hyggja finnst mér hann eins konar samnefnari
fyrir alla plötuna - innihald hennar."
Egill segir að yfirleitt komi lag á undan texta
og textarnir þjóni þeim tilgangi að skapa
stemmningu með laglínunni sjálfri. Hann segir
að það sé frekar erfitt fyrir sig að tala mikið um
texta laga sinna þegar þau séu komin á
plastið, hann hafi ekki miklu við að bæta. En
blaðamaður bað hann um að segja frá textan-
um við lagið Sigling sem hann tileinkar vini
sínum, Karli heitnum Sighvatssyni.
„Þetta er svona keltneskt lag og er um lífið
og fólk sem hefur gott hjartalag. Það er nú ein-
hvern veginn þannig að þess konar fólk á oft
ekkert upp á pallborðið hjá fjöldanum f okkar
samfélagi, þar sem hlutirnir ganga meira út á
peninga og efnishyggju. Ég tileinka kannski
Karli lagið vegna þess að hann var einmitt sú
manngerð sem lét öll efnisleg gæði lönd og
leið og hlýddi oftast hjartslættinum. Almennt
séð eru textarnir oftar en ekki úr mínum eigin
reynsluheimi og sum laganna syng ég beinlín-
is til mín.“
- Samsöngur þinn og Guðrúnar Gunnars-
dóttur er mjög áberandi á plötunni og gefur
30 VIKAN 22. TBL. 1991
henni skemmtilegan blæ. Hvers vegna fékkstu
hana með þér?
„Ástæöan er auðvitað sú að hún syngur
mjög vel og ég var dálítið búinn að leita að
rödd sem er ekki of einkennandi, það er til-
heyrir ekki einni ákveðinni persónu. Mín rödd
er til dæmis bundin við mína persónu. í Guð-
rúnar tilfelli held ég að fólk tengi rödd hennar
ekki strax við persónuna. Auk þess studdi hún
mjög vel við mína rödd. Fyrst og fremst er hún
þó þarna vegna þess að hún syngur svo fal-
lega.“
- Svo er Diddú þarna líka og hún endar
plötuna.
„Já, lagið sem Diddú syngur í, Það brennur,
var tekið upp töluvert fyrir áramót og var þá
hugsað sem framlag til norrænnar
sjónvarpsmyndaseríu. Þar átti það að vera
kynningarlag en ekkert varð úr því.“
STUÐMENN ENDANLEGA HÆTTIR
Egill segir að við gerð plötunnar hafi hann ekki
verið með neina tilraunastarfsemi í gangi held-
Ég vil bara halda ófram að
vinna með fólki og í tónlist,
segir Egill í viðtali við Vikuna