Vikan - 17.09.1992, Blaðsíða 5

Það er heldur ekki nóg að
vera orðinn stjarna ef það
gerist ekki á réttan hátt og
viðkomandi er ekki þekktur
fyrir það sem hugurinn stefndi
til í upphafi. í það minnsta
hefur fyrrum eiginmaður
söngkonunnar Grace Jones -
leikarinn Dolph Lundgren - af
þessu miklar áhyggjur. Dolph
var þekktastur fyrir leik sinn í
myndinni Rocky IV (lék hinn
sovéska mótherja Sylvesters
Stallone) en hefur nú ásamt
Jean-Claude Van Damme ný-
lokið leik í háspennunni Uni-
versal Soldier. Segist sá
sænskættaði Lundgren dol-
fallinn yfir því hve útbreiddur
sá misskilningur sé að vöðvar
og vit eigi ekki samleið og hafi
hann heldur betur orðið fyrir
barðinu á því. Það sé að vísu
rétt að hann eigi velgengni
sína undir vöðvunum enda
fyrrum meistaraboxari en
menn skuli þó ekki gleyma að
hann sé einnig með meistara-
gráðu í efnaverkfræði og það
frá ekki ómerkari háskóla en
MIT.
Þrátt fyrir þessa merku
uppljóstrun eru það þó enn
vöðvarnir sem helst virðast
höfða til framleiðendanna því
stjarnan er enn njörvuð við
gervi heilalausa vöðvabúnts-
ins. Sjálfur kennir Dolph því
um að hafa byrjað of snemma
að leika í stað þess að bíða
eftir rétta hlutverkinu og segir
tímabært að breyta ímyndinni.
Aðrir kalla þetta vanþakklæti
á háu stigi, gaurinn megi bara
þakka fyrir að fá hlutverk á
þessum síðustu og verstu
tímum og vera þessi myndar-
kroppur sem hann óneitan-
lega er.
Á meðan karlþjóðina
dreymir stóra drauma um
meiri fallþyngd og stærri
vöðva lætur kvenþjóðin sig
einkum dreyma um auðveld-
ari leiðir til að losna við
aukakílóin. Og viti menn.
Hefur ekki enn ein töfrafor-
múlan litið. dagsins Ijós, að
þessu sinni í sprautuformi.
Trúið því eður ei en ég sver
og sárt við legg að hér eru
þeir rfku og frægu teknir að
sprauta sig í stórum stíl með
lyfi sem kunnugir segja að
hristi af þeim aukakílóin líkt
og ofþroskaðar gráfíkjur af
fíkjutré, hviss - bang!
Sprautan kostar að vísu sitt
- litlar sextíu þúsund krón-
ur - en selst grimmt.
Kaupendurnir eru einkum
þeir sem þurfa starfsins
vegna að vera í topp-
formi, þar á meðal sýn-
ingarfólk og kvikmynda-
stjörnur.
Því miður fylgja aukaverk-
anirnar ekki sögunni og því
ættu jafnvel þeir moldriku að
fara varlega í slíka skyndi-
kúra. Það er nefnilega bara
gamla góða hreyfingin og
gamla góða næringin sem
stendur fyrir sínu. Gerið því
ekki neitt sem ég myndi ekki
gera heldur náið þessu af
ykkur á heillavænlegri hátt.
Það er ekki allt sem sýnist í
henni Hollywood og ekki tekið
út með sældinni að öðlast
völd og frægð því hér eru
frægustu villurnar og launa-
hæsta fólkið falið á bak við
víggirta veggi, að ógleymdum
þykkum skógi af neyðarbjöll-
um, sjálfvirkum kamerum og
öryggisvörðum svo oft sér
það ekki aðrar verur svo vik-
um skiptir en lífverði og fugl-
inn fljúgandi. Ekki bætir úr
skák að um langan aldur hafa
glaðbeittir kaupahéðnar selt
vegvísa og leiðbeiningar að
heimilum stjarnanna og
skeyta engu hvort kaupandinn
er blásaklaus túristi, afbrýði-
samur aðdáandi, innbrotsþjóf-
ur eða mannræningi.
Ég sit hér með einn slíkan
bækling fyrir framan mig og
því er ekki að neita að sumar
þessar villur minna fremur á
þjóðminjasöfn eða musteri en
hefðbundin einbýlishús. Mörg
þessara óðalssetra voru
byggð í kreppunni í lok villta
tryllta áratugarins þegar
stjörnunum varð loks Ijóst að
þeirra eigið sukk og svall á
hótelum víðs vegar um landið
átti ekki lengur upp á pall-
borðið hjá þjóð sem hvorki átti
í sig né á. Hófust þær ríkustu
þá handa við að múra sig inni
í steinkössum til að sleppa við
sviðsljósið og umfjöllun siða-
postulanna og sögusmett-
anna sem gerðu að þeim æ
harðari hríð. Allar götur síðan
hafa stjörnurnar búið í þess-
um keisaralegu vistarverum
úr 1001 nótt í skipulagðri ein-
semd bak við lokuð hlið og
læstar dyr.
Það segir sig sjálft að ekki
er á færi venjulegs manns að
fjárfesta í svona glæsihöll því
nokkruð hundruð milljónir ís-
lenskra króna duga skammt í
hít af þessu tagi. Á móti vegur
auðvitað að sá sem á annað
borð er stjarna fær stjörnu-
laun og getur því leyft sér eitt
og annað sem venjulegu fólki
er bannað. Þannig geta aðdá-
endur söngkonunnar Barbru
Streisand tekið gleði sína á ný
því heyrst hefur að hún hyggi
á tónleikaför hér í heimalandi
sínu en hún hefur bara komið
fram á styrktartónleikum allt
frá því hún söng í Las Vegas
árið 1970. Tímasetning tón-
leikaferðarinnar hefur ekki
enn verið ákveðin. Það hafa
launin hins vegar verið og
telja glöggir menn að hún fái í
eigin vasa sex milljarða ís-
lenskra króna og er þá ótalinn
hagnaður af sölu á hljómplöt-
um, myndböndum og sjón-
varpsupptökum. Þar með
verður Barbra komin í flokk
þeirra sem hafa nóg á milli
handanna í kaup á svo sem
einni vel víggirtri glæsihöll í
Beverly Hills.
Barbra er þó ein þeirra fáu
sem eiga þetta allt saman
skilið og meira til. Ekki bara
syngur hún firnavel heldur á-
líta margir hana eina af vonar-
stjörnum kvikmyndaheimsins
um þessar mundir. Ber auð-
vitað hæst mynd hennar,
Prince of Tides (sem er að
mínu mati einhver sú besta
sem ég sá á síðasta ári), sem
hún leikstýrði í fyrra og lék í á
móti Nick Nolte. Var hún til-
nefnd til óskarsverðlauna fyrir
leikstjórn á myndinni og þótt
hún hreppti ekki hnossið að
þessu sinni hefur hún sýnt og
sannað að henni er flest til
lista lagt. Á meðan bíðum við
spennt eftir að tónleikaferðin
hefjist því hver man ekki eftir
dásamlegum lögum eins og
Woman in Love, Guilty og öll-
um hinum.
Önnur stórstjarna, sem
baðar sig í velgengni þessa
dagana, er Axl
fRose, söngvari
Guns n 'Roses.
Fyrir utan tónlistina
gæti hann orðið
súpermódel tíunda
áratugarins, að
minnsta kosti ef tísku-
hönnuðurinn Gianni
Versace fær sitt fram.
Hann hefur boðið
stjörnunni gull og græna
skóga fyrir að gerast
ForsíAa leiAarvisis um
millahverfi stórstjarn-
módel og klæðast nýju línunni
hans, sem þykir röff og
spennandi. Versace, sem er
þekktur fyrir að fara eigin leið-
ir, er mikill aðdáandi
rókksveitarinnar og hefur oft
valdið fjaðrafoki þegar hann
hefur notað tónlist hennar á
sýningum. Nú vill hann sem
sagt stíga skrefið til fulls og
koma Axl á svið í öðru hlut-
verki en vanalega. Söng-
stjarnan hefur gaman af öllu
saman og útilokar ekki að
hann láti sjá sig með
þokkadísum tískuheimsins,
flíkandi nýjustu hugdettum Gi-
anni Versace. Þarf ekki að
efa, ef af verður, að umbunin
fylgi stórstjörnutaxta ef ekki
betur. Er af sem áður var þeg-
ar Axl og félagar löptu dauð-
ann úr skel og spiluðu frítt
kvöld eftir kvöld til að koma
sér á framfæri.
Vel á minnst - rokkstjörnur.
Paul Stanley, söngvari Kiss,
gifti sig á dögunum í einni
súpervillunni og er sú heppna
leikkona og módel að nafni
Pamela Bowen. Þetta var í
fyrsta skipti sem þau fóru upp
að altarinu saman og ekki í
frásögur færandi. Hitt þykir
með ólíkindum að þau hafa
ekki heldur gert það sitt í
hvoru lagi. Bæði er að það
heyrir til tíðinda í poppbrans-
anum að menn eigi ekki að
minnsta kosti nokkrar giftingar
að baki og svo hitt að Stanley
nálgast nú fimmtugsaldurinn.
Ekki er getuleysinu um að
kenna því nú hafa menn rifjað
upp að á meðan meðlimir
Kiss földu sig á bak við grímur
einkenndist einkalíf hans af
skrautlegu kvennafari þótt
ekki færi hátt. Paul Stanley
segir þetta þó allt heyra sög-
unni til. Er þetta ekki dásam-
legt? Hvernig var þetta með
köttinn úti í mýri? Alla vega er
L.A. ævintýri.
Kveðja,
A Barbra
Streisand
íkvik-
mynd
sinni
Prince of
Tides,
ásamt
Nick
Nolte.
Margrét Hrafns
í Hollywood.
19.TBL. 1992 VIKAN 5