Vikan - 26.11.1992, Page 27

Ahugi á klassískum
söng og óperum fer sí-
fellt vaxandi. Við eig-
um þegar orðið nokkuð af
frambærilegum söngvurum en
tækifæri söngvara til að sinna
söngnum eingöngu eru því
miður ennþá mjög takmörkuð.
íslenska óperan er eina stofn-
unin sem fastræður söngvara
en það eru margir um hituna
og færri komast að en vilja.
Þá er ekki um annað að ræða
fyrir söngvara en að reyna að
komast að hjá einhverju af
húsunum erlendis og þegar er
orðið nokkuð um íslenska
söngvara í útlegð.
Það er alltaf matsatriði
hversu mikinn þátt opinberir
aðilar eiga að taka í menning-
arstarfsemi þjóðarinnar en ó-
neitanlega er einkennilegt að
haldið skuli úti heilli sinfóníu-
hljómsveit en söngvarar alfar-
ið látnir sitja á hakanum.
Þessi stefna getur verið vara-
söm þegar til lengri tíma er lit-
ið og synd að horfa á hæfi-
leikafólk hverfa úr landi vegna
skorts á tækifærum.
Magnús Baldvinsson er
ungur bassasöngvari sem lítið
hefur heyrst í á íslandi en
hann er kominn á fastan
samning hjá óperunni í San
Francisco sem er eitt af virt-
ustu óperuhúsunum í Banda-
ríkjunum. Við mæltum okkur
mót í anddyri hússins ekki alls
fyrir löngu á sólríkum haust-
degi en Magnús var á leiðinni
á æfingu fyrir Boris Godunov
effir rússneska tónskáldið
Mussorgsky. Það er mikið um
að vera í óperunni þennan
morgun, verið að leggja síð-
ustu hönd á sviðsmyndina og
allir á þönum. Við finnum
næði í búningsherbergi
James Morris en hann er einn
af bestu bassasöngvurunum í
heiminum núna. Þó að hurðin
sé lokuð má heyra alls konar
raddir fara upp og niður tón-
stigann annars staðar í hús-
inu þar sem verið er að hita
upp fyrir æfingar dagsins.
„Ég hef náttúrlega verið að
syngja meira og minna í
gegnum árin, allt frá þvi ég
var í KFUM og kórnum þar,“
segir Magnús þegar ég spyr
hvenær söngáhuginn hafi
vaknað. „Síðan var ég í kór
Hallgrímskirkju og þegar
Hörður Áskelsson organisti
kom frá námi 1982 stofnaði
hann Mótettukórinn, en hann
varð fyrstur til að „heyra“ í
mér bassaröddina og hvetja
mig til söngnáms. Ég var í
Söngskólanum í Reykjavík frá
1984 til 1987 og kynntist
kennaranum mínum, Roy
Samuelsen, á námskeiði
heima. Ég lærði síðan hjá
honum í Bloomington í Indi-
anafylki og þannig æxlaðist
það að ég kom til Bandaríkj-
anna.“
- Hvernig tónlist finnst þér
skemmtilegast að syngja?
„Ég hef eiginlega engan
tíma fyrir annað en óperutón-
list núna. Síðustu tvö árin hef
ég nær eingöngu lagt stund á
óperuna. Annars hef ég alltaf
gaman af Ijóðasöng, sérstak-
lega þeim þýska eins og til
dæmis eftir Schumann og
Schubert, en það er óperan
sem er í fyrsta sæti eins og
stendur. Ég hlusta hins vegar
á alls konar tónlist og tónlist
yfirleitt er mitt líf. Af óperutón-
skáldum held ég mikið upp á
Verdi en Rossini og Mozart
sömdu tónlist sem hentar
mjög vel rödd minni eins og
hún er núna. Eftir því sem ég
eldist mun ég syngja meira af
Verdi og svo endanlega nátt-
úrlega Wagner, en það þarf
mikinn þroska til að syngja
verkin hans og ég hef ekki
náð þeim þroska ennþá.
Bassaröddin þroskast seinast
af öllum röddum en ég er
þrjátíu og fjögurra ára og bú-
ast má við að þrjátíu og átta
eða níu ára verði ég búinn að
ná fullum þroska og röddin
verði orðin dekkri ef má orða
það þannig. Ég hef haft nokk-
uð djúpa rödd alveg frá sext-
án sautján ára aldri en þrosk-
inn, sem gerir röddina miklu
fyllri í söng, kemur smám
saman. Ég hef fundið það
undanfarin tvö til þrjú misseri
að röddin hefur verið að
þroskast og ég finn stundum
fyrir breytingum frá viku til
viku en hún er ennþá nokkuð
lýrísk og Ijós hvað sem síðar
verður.“
- Hvaða söngvarar eru í
mestu uppáhaldi hjá þér?
„Það er stórkostlegt að fá
að syngja með mönnum á
borð við James Morris en
hann syngur Boris í sam-
nefndu verki eftir Mussorgsky
og það er slík æfing sem ég
er að fara á seinna í dag. Ég
hef verið að spjalla aðeins við
hann og hann ætlar að hlusta
á mig og gefa mér góð ráð ef
hann getur. Aðrir bassa-
söngvarar sem ég held mikið
o
cn
m
—V
OO
UO
CD
ÍSLENSKU POTTARNIR OG PÖNNURNAR
íslensk gæðavara
sem endist lengur, nýtist betur
og eykur ánægju við matseldina.
FÁST í YFIR 80 BETRI
VERSLUNUM UM ALLT LAND.
• Sígild hönnun, úrvalssmíð úr áli
• Þykkur botn sem verpist aldrei
• Einstök hitaleiðni og jöfn hitadreifing
• Slitsterk húð sem matur festist ekki við
• Margar tegundir og stærðir
Heildsöludreifing Amaro hf. - Akureyri.