Vikan - 26.11.1992, Blaðsíða 72

- SEGIR SIGRÚN ÓSK ÞORGEIRS-
DÓTTIR, NEMI í HÓTELSTJÓRNUN
- Ég sá auglýsingu um hótelskóla í Sviss og
leist vel á, segir Sigrún Ósk Þorgeirsdóttir frá
Rifi á Snæfellsnesi, stúdent frá Menntaskól-
anum á Akureyri 1990 og er um þessar
mundir í starfsþjálfun í eldhúsinu á Hótel
Sögu. - Ég aflaði mér meiri upplýsinga og
bæklinga, þar á meðal frá Les Roches. Mér
leist vel á námið sem þar var kynnt og eins
fannst mér jákvætt að þar var aðeins einn ís-
lendingur, Valur Bergsveinsson, sem lauk
námi nú í vor. Mig langaði að fara þangað
sem ég talaði ekki bara íslensku heldur kynnt-
ist fólki af öðru þjóðerni.
Ég held að meiri verkleg þjálfun sé í Les
Roches en víða annars staðar. Þar sem ég
vissi lítið í hvað ég var að fara tel ég að ég
hafi veiið mjög heppin að lenda í þessum
skóla því hann er líka fyrir fólk sem er að
byrja og er alveg grænt eins og ég var. Við
erum hálft ár í skóla og förum svo að vinna og
rekumst á það sem verið var að lesa um í
skólanum og getum borið það saman af því
að það er enn ferskt í huganum. Kennararnir
eru allir fólk úr iðnaðinum og þeir sýna dæmi
úr starfi sínu og í framhaldi af því er margt
sem maður kemur auga á þegar komið er í
vinnuna.
LÆRA FIMM STJÖRNU ÞJÓNUSTU
Þið fáið líka verklega kennslu í skólanum. Er
það skemmtilegt og gagnlegt?
- Mér fannst það mjög gaman, sérstaklega
þjónustan. Við lærðum fimm stjörnu þjónustu
og allt er mjög strangt. Ef við eigum að mæta
klukkan sex og komum fimm mínútur yfir sex
verðum við að vinna næsta sunnudag. Það er
skoðað hvort við séum með hreinar neglur og
í pússuðum skóm. Allt verður að vera fullkom-
ið, öllu raðað upp á sentímetra, bæði dags-
daglega og í verklegu prófunum. Svona er
þetta líka í eldhúsinu. Kokkarnir, sem kenna
þar, hafa mikinn áhuga á því sem verið er að
gera og eru tilbúnir að kenna manni margt.
Hvort finnst þér skemmtilegra, þjónustan
eða eldhúsið?
- Mér fannst þjónustan gefa mér miklu
meira. Mér fannst svo gaman að þjóna og
læra allt sem þjónustunni fylgir - að læra um
vínin og hvaðeina. Matreiðslan á ekki eins við
mig, segir Sigrún.
I skólanum er stór matsalur sem rúmar
fimm hundruð manns í sæti og þar snæða
nemendur bæði hádegis- og kvöldverð. Nem-
ar í þjónustu leggja á borðin og þjóna til
borðs, allt undir eftirliti kennara sinna. Síðan
er í skólanum fínni veitingastaður og þangað
geta nemendur, kennarar og gestir komið og
fengið sér að borða. Einnig þar stjórna kenn-
ararnir og vaka yfir hverri hreyfingu nemand-
ans, hvort heldur er á meðan hann leggur á
borðið eða þjónar gestum. Og auðvitað eru
það nemendur í eldhúsi sem elda allan mat
undir stjórn kennaranna.
MATMÁLSTÍMARNIR ERFIÐIR
Sigrún segir að kennsluönnin sé sextán vikur.
í aðalmatsalnum er aldrei borið fram vín og
heldur ekki fyrri hluta tímans á fína veitinga-
staðnum en seinni átta vikurnar er borið þar
fram vín eftir því sem við á í hádeginu. Það er
hluti námsins að bera fram vínið og ekki síður
að læra að fara með vín og neyta þess í hófi.
Oft er erfitt að sitja til borðs í klukkutíma en
allar máltíðir eru þriggja rétta, forréttur, aðal-
réttur og eftirréttur og allt fer fram eftir kúnst-
arinnar reglum.
- Mér fannst þetta rosalegt. Við fáum tvær
þriggja rétta máltíðir á dag, segir Sigrún, og
sitjum í klukkutíma í hvort sinn. Kannski er
fólk bara pínulftið svangt og vill borða en tímir
ekki að kaupa sér einhvern smámat því fæði
er innifalið í skólagjöldunum. Allir byrja að
borða á sama tíma í stóra salnum en svo fer
hraðinn eftir því hve vel gengur í salnum. Að
lokum er hreinsað af borðunum og allir fá eft-
irréttinn samtímis. Menn borða því það er
ekkert annað að gera allan þennan tíma og
fólk blæs út ef það passar sig ekki en með
þessu móti lærist líka að umgangast mat.
Mikið var farið að bera á að nemendur kæmu
ekki í hádegismatinn, sérstaklega þegar voru
próf, en skyndipróf eru í hverri viku. Þeir vildu
nota hádegið til að lesa. Þjónustunemarnir
fengu þá í raun ekki að æfa sig nóg svo nú
hefur verið ákveðið að fyrsta árs nemar verði
að koma í hádegismatinn, annars eru teknir af
þeim punktar.
TVEGGJA DAGA
FJARVERA OG EKKERT PRÓF
- Punktakerfið er mjög strangt. Ef nemandi
mætir ekki í tvo daga í skólann án þess að
72 VIKAN 24. TBL. 1992