Vikan - 04.11.1993, Blaðsíða 50

Daniel
Hoffmann
er „nef“ í
vinnunni.
I yfir 30 ár
hefur
hann
unniö viö
aö þefa
uppi
ýmsar ilm-
tegundir.
Starfs-
menn
fylgjast
vel meö
því aö
blöndun
hafi fariö
rétt fram.
Starfs-
menn
fyrirtæk-
isins eru
yfir 4500
í 20
löndum.
eðlilegra að ýta undir hið
hreina og náttúrlega. Síðustu
ár hefur Klein svo viljað rjúfa
sig lausan frá skarkala stór-
borganna og hinu Ijúfa lífi sem
oft vill fylgja frægðinni. Hvað
gerist þá? Nýtt ilmvatn,
Escape, kemur á markaðinn -
Escape, flóttinn frá öllum lát-
unum. Klein kýs kyrrðina í
sveitasælunni og flýr stór-
borgirnar ásamt fjölskyldu
sinni. Þetta er raunverulegt
dæmi um að ilmurinn endur-
spegli ákveðna persónu og
mörg slík dæmi gætum við
tekið I því sambandi."
Af þessu er því Ijóst að
ilmur er ekki bara einhver
einfaldur ilmur. Ilmur hefur
ákveðið gildi fyrir bæði karla
og konur og virðist vera í takt
við það þjóðfélag sem við
búum við. Þegar gengið er
um ýmsar deildir verksmiðj-
unnar blasa alls staðar við
kraumandi pottar og kör. Með
loftum og veggjum liggja lang-
ar pípur sem í eru óteljandi
tegundir af ilmefnum og ilmur-
inn er nánast yfirþyrmandi.
Gounod skýrir framleiðsluna
fyrir mér.
VÉLMENNI STÝRA
NÁNAST ALLRI
FRAMLEIÐSLUNNI
„í hverju ilmvatni er sérstök
blanda af alls konar efnum
sem sérfræðingar okkar hafa
þróað. í flestum tilfellum stýra
tölvur og vélmenni blöndun-
inni og mannshöndin kemur
mjög takmarkað við sögu. All-
ar vélar eru prógrammeraðar,
mataðar á margs konar reikni-
formúlum sem standa fyrir
ákveðna ilmtegund. Starfs-
í þessum rörum er mismunandi ilmefnum blandaö saman. Hjá
Givaudan-Roure er unnið meö yfir 400 tegundir af ilmefnum.
menn taka sýni reglulega og
fylgjast þannig vel með gangi
mála. Við höfum um fjögur
hundruð mismunandi tegundir
af efnum og vélmenni sjá um
að finna réttu blönduna. Síðan
fer fram greining á öllum af-
urðum okkar til að tryggja að
blöndun hafi farið rétt fram.“
Hráefnin, sem notuð eru í
framleiðsluna, eru margs kon-
ar. Um þriðjungur þess sem
notað er eru náttúruleg hrá-
efni á borð við blóm, rætur,
lauf, fræ, við og börk.
„Hlutur blómanna er mikill.
Það má segja að jasmínblóm
og rósir ráði ríkjum í ilmfram-
leiðslunni," tjáir Gounod mér
um leið og hann leyfir mér að
þefa af ýmsum prufum. Og
lyktartegundirnar eru allar
kunnuglegar, tengjast allar
einhverjum af þeim ilmvötnum
sem ég hef að minnsta kosti
prófað. Þarna er að finna
blómailm af ýmsu tagi en ég
finn líka mildan kókosilm,
möndluilm, eplailm og sér-
stakan viðarilm.
EDDIE MURPHY
BAD UM FURUILM
í HERBERGIÐ
„í tengslum við viðarilminn
dettur mér í hug skemmtileg
saga um bandaríska leikar-
ann Eddie Murphy,“ segir
Gounod með bros á vör.
„Þetta gerðist þegar hann var
gestur á árlegri tónlistarhátíð (
Montreux í Sviss. Yfirmenn
hótels nokkurs, er leikarinn
gisti, höfðu oft á tíðum orðið
að verða við skringilegum
óskum viðskiptavina sinna en
ósk Eddie Murphy sló öll met.
Hann hafði óskað eftir því við
yfirmenn hótelsins að pine-
wood-ilmur, sem er sérstakur
furuviðarilmur, yrði í herberg-
inu hans en þessi sérstaka
tegund furu finnst víða í
Kaliforníufylki í Bandaríkjun-
um. Starfsmenn hótelsins
brugðust að sjálfsögðu skjótt
við beiðni leikarans. Þeir
höfðu samband við okkur hjá
Givaudan-Roure og báðu um
sérstakan furuilm sem síðan
var dreift um allt hótelherberg-
ið. Furuviður er einmitt mikið
notaður við ilmvatnsgerð
núna og ilmurinn, sem er
mildur, er mjög vinsæll meðal
neytenda.1'
MEISTARANEF FÆR
RÍKULEGA BORGAÐ
Skyggnumst nú örlítið á bak
við ilmvötnin og ilmefnin sem
slík og íhugum aðeins hvernig
þau eru útfærð og búin til. A
bak við hverja ilmtegund er
svokallaður „ilmfræðingur" og
hjá Givaudan-Roure starfa
kringum sextíu slíkir. í dag-
legu tali eru þeir reyndar kall-
aðir „nef“, en hvað þýðir það?
Jú, þeir fá nefnilega laun fyrir
að vera með sérstaklega
næmt þefskyn og því er nefið
þeim eins dýrmætt og fæturnir
knattspyrnumönnum. Færu
nefi er sem sagt borgað ríku-
lega fyrir að koma saman
þeirri lykt sem viðskiptavinirnir
biðja um. Sérfræðingar sitja
og þefa allan daginn og nota
svo lítt skiljanlegan orðaforða
til að lýsa því sín á milli sem
aðrir kunna ekki að tjá í orð-
um - lykt. Það er auðvitað
ekki hvaða nef sem er sem
kemst í þennan úrvalshóp,
upplýsir Gounod mig um.
„Eigendur þessara atvinnu-
nefa líta á sig sem mikla lista-
menn og eins og aðrir lista-
menn eru þeir alltaf að vinna
að nýjum hugmyndum og
þróa þær. I þessu starfi er
hægt að þjálfa efnilegt nef
sem með mikilli æfingu verður
síðar að meistaranefi. Slíkt
nef hefur skapandi hug-
myndaflug sem framleiðir
„drauma“ - eins og listamenn-
irnir túlka það. Það sem lista-
mennirnir skapa hefur svo
áhrif á bæði karla og konur og
það er síðan fullkomnað með
nöfnum tískuhúsanna og fal-
legum flöskum."
ILMVATNSNOTKUN
HEFUR BREYST MJÖG
Daniel Hoffmann hefur verið
ilmfræðingur eða öllu heldur
„nef“ hjá fyrirtækinu I yfir þrjá-
tíu ár. Sem listamaður er
hann alltaf að vinna að nýjum
hugmyndum.
„Það er erfitt að skilja hvað
karlmenn vilja en miklu auð-
veldara að skilja hvað konur
vilja. Ilmvötnin mín endur-
spegla það sem við erum,
þau endurspegla það sem við
hugsum og viljum. Um þessar
mundir eru ilmvötn framleidd
fyrir marga ólíka einstaklinga.
Konur eru til dæmis mjög
flöktandi í ilmvatnsnotkun,
skipta kannski um tegund á
eins til tveggja ára fresti. Fyrir
þrjátíu árum notuðu konur
hins vegar sama ilmvatnið í
meira en tíu ár. Notkun hefur
breyst og þess vegna er fram-
leiðslan miklu meiri núna.“
Hvað skyldi það taka lista-
manninn langan tíma að þróa
hugmynd sem hann hefur í
kollinum? „Það getur verið ó-
trúlega langur ferill, allt upp í
tíu ár. Fyrst kemur hugmynd
að nýjum ilmi og síðan þarf að
ákveða fyrir hvaða tegund af
vöru ilmurinn á að vera. Ef
ákveðið er að framleiða nýtt
ilmvatn er stöðugt unnið að
þróun þess þar til meginuppi-
staðan eða endanlegi ilmurinn
er tilbúinn. Það tekur að jafn-
aði eitt til tvö ár þar til fram-
leiðsla nýs ilms er komin á
lokastig þannig að Ijóst má
vera að það tekur langan tíma
að skapa öðrum ánægju og
yndisauka," segir Daniel
Hoffmann, ilmfræðingur hjá
Givaudan-Roure. Svei mér þá
ef hann er ekki með sérstak-
lega hentugt nef til að starfa
við þetta fag, langt og mjótt -
eins og gert til þess að þefa
ofan í litlar flöskur.
Það er deginum Ijósara að
margt og mikið býr á bak við
ilmvötn og ilmefni. Á fallegu
ilmvatnsglösunum með öllum
þekktu nöfnunum stendur
kannski París eða New York
en í flestum tilfellum má þó
rekja uppruna ilmefnanna til
Genfar. Þar eru þau framleidd
og notuð í allt mögulegt, frá
tískuilmvötnum allt upp í
heimilisvörur eða jafnvel
ávaxtasafa. Nefin frægu eru
framleiðslunni mikilvæg því
það eru þau sem finna upp og
þróa nýjar ilmtegundir. Hins
vegar erum það við neytendur
sem kaupum þessa fínu
vökva með frægu merkjunum
dýrum dómum til að gera okk-
ur meira aðlaðandi í því um-
hverfi sem við búum við. □
50 VIKAN 22.TBL. 1993