Vikan - 15.03.1999, Blaðsíða 55

Hverju svarar lœknirinn ?
Gigt og lyf úr
engifer
Ágæti læknir
Ég las um gigt í Vikunni
um daginn og sá hvað það
er gríðarlega stór hópur hér
á landi sem þjáist af gigt. Ég
er ein þeirra og hef verið á
ýmsum sterkum lyfjum í
gegnum tíðina. Eins og þú
veist fer það nú svona og
svona í mann og ýmislegt
sem því fylgir. Ég hef þurft
að vera á sér fæði, verið
slæm í maga út af lyfjunum
og er til í að reyna ýmislegt
nýtt. Nýlega frétti ég að
náttúrulyfið Zinaxin væri
eitthvað fyrir okkur gigtar-
sjúklingana. Hvað geturðu
sagt mér um þetta náttúru-
lyf? Ég veit það er unnið úr
engiferrót og á sér
aldagamla sögu, en er það
rétt að það hafi engar auka-
verkanir og vinni á sársauk-
anum sem ég finn fyrir?
Hvar nálgast ég Zinaxin?
Þakka þér fyrir skrif þín í
Vikuna og gangi þér allt í
haginn.
Jó.E.
Kæra Jó.E.
Það er ótrúlega margt
sem þú getur gert til að
vinna með og hjálpa þér
samhliða annarri gigtarmeð-
ferð. Ég er að tala hér um
mataræði, jafnvægi hugans
og ýmis grasa- og jurtalyf.
Ég ráðlegg þér eindregið að
lesa bókina Lækningamátt-
ur líkamans sem kom út fyr-
ir 2 árum síðan. Þar er að
finna upplýsingar um það
sem ég kýs að kalla heild-
ræna nálgun vandamáls eins
og gigtar. Það er engin ein
lausn á gigt, engin töfra-
lausn hvorki, í hefðbundn-
um lækningum né í sam-
hliða (óhefðbundnum)
lækningum. Það sem gildir
er alhliða nálgun, prófa sig
áfram og finna hvað virkar
hjá hverjum og einum. Ég
hef heyrt um margs konar
aðferðir sem hafa gagnast
einstaklingum, stundum
heilu hópunum, en því mið-
ur eru ekki alltaf til vísinda-
legar rannsóknir sem segja
af eða á um það hvort með-
ferðin virkar því það skortir
áhuga þeirra, sem fjár-
magna vísindarannsóknir, á
því að skoða ýmsar aðferðir
sem virðast gagnast einstak-
lingum. En mikilvægt er að
hlusta vel á upplýsingar eða
reynslusögur einstaklinga
með erfiða gigt eða aðra
sjúkdóma og læra af. Mikill
gigtarsjúklingur sem ég hef
haft með að gera hefur
mikla trú á náttúrulegu
vítamíni sem hún hefur ver-
ið að taka og finnst það
hafa skipt öllu máli fyrir sig
og gert sér kleift að draga
úr annarri lyfjanoktun.
Annar gigtarsjúklingur
kveðst hafa náð sama ár-
angri með segulsviðsdýnu
sem hún sefur á. Enn annar
gigtarsjúklingur náði betri
líðan með á grasalyfi frá ís-
lenskum náttúru-/grasa-
lækni. Og enn annar gigtar-
sjúklingur náði betri heilsu
með því að koma reglu á
allt í sínu lífi, gæta þess að
hvílast nóg og leysa deilur
og vandamál í stórfjölskyld-
unni. Mataræði skiptir máli
fyrir gigtarsjúklinga og
mörg náttúrulyf virðast gera
gagn. í bókinni Lækninga-
máttur líkamans segir
Andrew Weil frá áhrifum
engiferrótar, ginger, á gigt
og segir að þurrkuð engifer-
rót hafi betri áhrif á gigt en
fersk, þ.e.a.s. hafi bólgueyð-
andi áhrif. Hægt er að fá
þurrkaða engiferrót í heilsu-
búðum og jafnvel sumum
stórmörkuðum. Fersk engi-
ferrót hefur góð áhrif á
mörg meltingarvandamál og
er talin góð við morgunó-
gleði hjá ófrískum konum
og hefur jafnvel kanadíska
Heimilislæknafélagið mælt
með henni eftir að vísinda-
rannsókn studdi þessa notk-
un. Þið verðið samt að at-
huga að nota ekki of mikið
af henni til að fá ekki of
mikinn loftgang. Engiferrót
örvar líka og bætir blóðrás,
kemur yl í kalda fingur og
fætur. Ég ráðlegg þér, kæri
fyrirspyrjandi, að prófa
engiferhylkin og meta sjálf
hvað þér finnst, þetta gagn-
ast mörgum, kannski gagn-
ast þetta þér, það skaðar
allavega ekki samkvæmt
þeim bókum sem ég hef
gluggað í. Og að lokum;
heilsubúðir hér á landi hafa
ýmsar upplýsingar um verk-
un og tegundir náttúruefna
sem unnin eru úr engiferrót.
Gangi þér vel
Þorsteinn
Heilsusamlegur
matseðill
Kæri læknir
Ég vildi gjarnan fá ráðgjöf
frá næringarráðgjafa sem
gæti sett saman fyrir mig
heilsusamlegan matseðil.
Það væri nóg fyrir mig að fá
nöfn eða tölvupóstsadressu
svo ég geti haft samband
við viðkomandi sjálf.
Ég þakka þér svo fyrir
góðan þátt í blaðinu og fyrir
að reyna að svara þessu fyr-
ir mig.
Kær kveðja,
ein í leit að betra lífi
Sæl
Mataræði er afar mikil-
vægt hverjum og einum,
enda hvað erum við annað
en það sem við borðum?
Það eru margir kallaðir en
e.t.v. fáir útvaldir í þeim
bransa og sýnist þá sitt
L
hverjum. Ég hef hitt marga
ráðgjafa og lesið margar
bækur um þessi efni. Marg-
ar bækur eru til hér á landi í
íslenskri þýðingu. Sjálfur
hef ég þýtt tvær bækur, þ.e.
Lækningamáttur líkamans
og Lækningabók heimil-
anna, sem útgefnar voru af
Setbergi, og fjalla mikið um
mataræði og áhrif þess á
heilsu. í fyrri bókinni er sér-
staklega farið yfir leiðbein-
ingar um hvernig skipta
megi yfir í hollara matar-
æði. Ég hvet þig til að lesa
þessar og aðrar bækur sem
þú finnur um efnið og
mynda þér þínar eigin skoð-
anir. Týna síðan út það sem
þér finnst henta þér og falla
þér í geð. Ekki hika við að
velja og hafna. Næringar-
ráðgjafar eru með ráðgjafa-
þjónustu og má finna þá í
símaskránni og á einhverj-
um af stærri læknamóttök-
unum eins og í Domus
Medica. Ég hef líka mikið
álit á tveimur grasalæknum
sem lært hafa sín fræði í
Bretlandi og kallast fag
þeirra þar naturopathy sem
sjálfsagt ætti að útleggjast
náttúrulækningar á íslensku.
Þetta eru Kolbrún Björns-
dóttir og Arnbjörg Linda
Jóhannsdóttir.
Hafðu það gott
Þorstcinn
Spurningar má
senda til „Hverju
svarar læknirinn?“
Vikan, Seljavegi 2,
101 Reykjavík.
Farið er með öll
bréf sem
trúnaðarmál og
þau birt undir
dulnefni.
Netfang: vikan@frodi.ís —
Vikan 55