Vikan - 06.07.1999, Page 37

Pálína Benjamínsdóttir
færir okkur uppskrift
Vikunnar að þessu
sinni. Fiskrétturinn er ein-
faldur í undirbúningi og er
fremur ódýr. Hann er afar
bragðgóður og vekur ávallt
lukku að sögn Pálínu. Vikan
þakkar henni framlag sitt og
sendir henni glæsilegan
konfektkassa frá Nóa-Sír-
íusi.
Fiskréttur með banana
og kókos
400-500 g ýsuflök
1 stór banani
kókosmjöl
karrí
aromat
ostur
Ýsuflökin eru roðflett,
beinhreinsuð og skorin í
bita. Þeim er síðan raðað í
eldfast mót. Kryddið fiskinn
með karríi og aromati eftir
smekk. Því næst er bananinn
skorinn í sneiðar og honum
raðað yfir fiskinn. Stráið
kókosmjöli yfir. Að lokum
er ostsneiðunum raðað yfir
réttinn. Bakið í 180 gráðu
heitum ofni í 30-40 mín.
Fiskréttinn er best að bera
fram með kartöflum og
fersku grænmeti eða hrís-
grjónum. Verði ykkur að
góðu!