Menntamál - 01.02.1948, Qupperneq 10

4
MENNTAMÁL
raun um, hve mikill hundraSshluti manna myndar ákveð-
ið viðhorf gagnvart öðrum við fyrstu kynni. Hann hefur
og athugað eðli þessa viðhorfs og mismun þess eftir kynjum,
varanleik þess o. fl. Próf. Rubin (Kaupmannahöfn) hélt
fyrirlestur, sem hann nefndi: Ráðgátan um raunveruleika
skilnings okkar. Iíann sýndi fram á, hvernig skilningur
okkar er háður skynjununum. Veröld frumstæðra manna
er að ýmsu frábrugðin okkar veröld. Dýr skynja hlutina
öðru vísi en við, og vísindin herma okkur, að hin raunveru-
lega veröld sé allt öðruvísi en daglegar skynjanir okkar
gefa til kynna.
Dr. G. Rasch (Kaupmannahöfn) hélt fyrirlestur, þar sem
hann gagnrýndi ýmsar þeirra aðferða, sem notaðar eru
við gáfnapróf. Nokkrar umræður urðu um þessa fyrirlestra.
f áhugahópum þennan dag voru haldin 16 erindi, og
urðu að sjálfsögðu umræður um flest þeirra.
Um kvöldið héldu sálfræðinemar hátíð í „Sjálfstæðishús-
inu“ en helmingur fundarmanna voru nemendur. Hátíð
þessi var hvorki virðuleg né vísindaleg og því góð tilbreyt-
ing frá hinum alvarlegu umræðum dagsins.
Fimmtudaginn 7. ágúst voru fyrirlestrar með svipuðu
sniði og daginn áður. Auk erinda, sem haldin voru í áhuga-
hópum, hélt Harald Schjelderup fyrirlestur um sálgrein-
ingu og dr. Torsten Husen (Stokkhólmi) fyrirlestur um
gáfnapróf.
Um kvöldið var þátttakendum gefinn kostur á að sjá
Þjóðminjasafnið í Oslo.
Snemma morguns föstudaginn 8. ágúst komu stúdent-
arnir saman til að ræða sameiginleg áhugamál. Eftir að
einn fulltrúi frá hverju landi hafði gert grein fyrir að-
stöðu og vandamálum sálfræðinema í heimalandi sínu,
urðu nokkrar umræður, og var samþykkt ályktun, sem
lögð var fram á almennum fundi síðar um daginn og rædd
þar af eldri kynslóðinni.
Óskir stúdentanna voru í aðalatriðum þær, að lögð yrði