Menntamál - 01.02.1948, Qupperneq 19

MENNTAMÁL
13
inghamshire. Borgarstjórinn — maður á efri árum —
var með silfurskjöld allstóran festan í allgilda keðju um
hálsinn. Var það merki stöðu hans.
Ég hef sagt hér frá því, hvernig þessum fyrsta starfs-
og námsdegi mínum í Nottingham var ráðstafað sökum
þess, að hina dagana, sem ég dvaldist þar, var um mjög
svipaða tilhögun að ræða. Ég mun því ekki fjölyrða um
hvern dag fyrir sig.
Mér voru sýndir margs konar skólar: Barnaskólar, ung-
mennaskólar, menntaskólar og sérskólar. í hverjum skóla-
flokki sá ég mismunandi fjölmenna skóla og mismunandi
búna að húsnæði og áhöldum. Það var auðséð, að allt var
gert til þess, að ég fengi sem sannasta mynd af högum og
háttum skólanna og fræðslu um framtíðaráætlanir í skóla-
og uppeldismálum þjóðarinnar. Hin nýja fræðslulög Breta
(frá 1944) marka leiðirnar, og virtust mér flestir sammála
um réttmæti þeirra.
K1 11 á þriðjudag (6. maí) var mér hátíðlega boðið að
vera viðstaddur, þegar allt fræðsluráð Nottinghamshire
kæmi saman til þess að ræða og ganga frá áætlun um
skólabyggingar o. fl. í sambandi við framkvæmd nýju
fræðslulaganna (Development plan). Mál þetta hafði verið
rætt á fundum fræðsluráðsins og fræðslumálastjórinn und-
irbúið og gert áætlanir. Fulltrúarnir í fræðslumálaskrif-
stofunni sögðu mér, að þessi áætlun væri eitt þýðingar-
mesta málið, sem fræðsluráðið hefði fjallað um á síðustu
áratugum. Það var því ekki furða, þótt Mr. Mason biði
þess með eftirvæntingu að sjá, hver afdrif tillagna hans
yrðu.
í fræðsluráðinu (County Council) áttu sæti um 70 manns,
karlar og konur úr ýmsum stéttum hvaðanæva úr Notting-
hamshire. Fundir allra fræðsluráðsmanna eru aðeins haldn-
ir ársfjórðungslega.