Heima er bezt - 01.01.1960, Blaðsíða 37

„Ekki er ég nú hræddur um, að hún gæti það ekki,“
svaraði hann. „Aðra eins stúlku hef ég aldrei haft í
mínum búskap. En þá gæti ekki Bogga og strákurinn
varið bakkann svo ég ætla að vita hvort Leifi getur
ekki verið hjá mér einn eða tvo daga.“
Ásdís hafði verið svo nærri að hún heyrði til þeirra
og kom nú í ljósmál þegar Kristján var kominn út.
„jMér þætti nú ekki mikið þó þú gætir dregið þig upp
á holtið og hjálpað til á bakkanum. Þá gætum við
Bogga kastað upp úr,“ sagði hún.
„Eg hef aldrei verið við móupptektina hérna og fer
varla að byrja á því núna,“ hnussaði í Geirlaugu. „Ég
er ekki eins heimsk og þú, sem hugsar ekkert um neitt
annað en láta þræla þér út, hvort sem þú þolir það
eða ekki.“
„Það er nú meiri vesalingurinn sem þú ert og hefur
líklega alltaf verið,“ sagði Ásdís, „svona fólki finnst
mér ekki gjaldandi kaup.“
„Þú getur náttúrlega talað digurt,“ sagði Geirlaug
sárgröm. „Þú hefur fengið vel útilátið vetrarkaupið
þykist ég vita. En ekki býst ég nú samt við að þú verð-
ir eins afkastamikil þegar þú ert komin á minn aldur.“
Ásdís hló dátt að orðahnippingum þeirra.
Næsta morgun kom Leifi. Elann þvaðraði og ruglaði
eins og vant var. „Mér dettur nú eltki annað í hug en
láta vetrarmanninn kasta upp á bakkann. Hann á lík-
lega ekki erfitt með það, eins og þú hefur alið hann í
vetur, Geirlaug.“
„Þú skalt nú bara sjá það hvort ég kem ekki hnaus-
unum upp á bakkann,“ sagði Ásdís hlæjandi.
Þá ofbauð Geirlaugu alveg. Hún bað Ásdísi að
finna sig inn í baðstofu og sagði:
„Vonandi hefurðu svo mikið vit í höfðinu, að láta
ekki hafa þig til að kasta upp úr gröfinni. Þú hlýtur
þó að sjá, að slíkt gæti haft alvarlegar afleiðingar.“
„En sá kveifarskapur í þér, manneskja,“ sagði Ás-
dís. „En náttúrlega dettur mér það ekki í hug, þó ég
svaraði svona.“
Svo var farið í móinn.
Framhald.
Vísnasamkeppni barnanna
Framhald af bls. 25 --------------
Hún er eins og önnur dýr
úr sér sleikir horinn.
Fríða Ragnarsdóttir, 7 ára, Hverfisgötu 8, Siglufirði.
Hérna koma kálfarnir
með köst og læti.
Hoppa í kringum háar-sæti,
hlæ ég oft að þeirra kæti.
Sigríður í. Ragnarsdóttir, 10 ára, Forsæludal, Vatns-
dal, A.-Hún.
Blása og hoppa bjálfarnir
og baula af kæti.
Gunnar Örn Númason, 11 ára, Gilsstöðum, Hólma-
vík, Strand.
Ljósa-Pera lagleg kind
labbar götu sína.
Af henni vil ég eiga mynd
og aldrei henni týna.
Valdi = Sigvaldi Ingimundarson, Svanshóli, Strand.
Flekka litla er fráræk ær
frísk og létt í spori.
Getur eignazt gimbrar tvær
golsóttar að vori.
Nabbi = Ingimundur Ingimundarson, Svanshóli. Nabbi
og Valdi eru tvíburabræður.
Góðar eignast gimbrar tvær
getur hún að vori.
Aðalheiður Hallgrímsdóttir, 13 ára, Dagverðará, Breiðu-
víkurhr. Snf.
Rósberg G. Snædal, skáld og rithöfundur, var for-
maður dómnefndarinnar.
„Heima er bezt“ þakkar honum og dómnefndinni
allri fvrir það mikla starf, að lesa og meta 421 vísu-
botn.
Það ,fór eins og mig grunaði, að meðal sveitaæsku ís-
lands lægju hagyrðingar og skáld í leyni. Og þurfti nú
ekki annað en að Kolfinna á Kirkjubóli snerti þau með
töfrasprota sínum til þess að hagmælskan kæmi í ljós.
En nú finnst mér ekkert vit í að hætta við svo búið,
heldur vil ég leita betur og halda því til haga, sem
fundið^ er. Þess vegna vil ég hér með skora á þau Guð-
rúnu Ásu í Ásbrekku og Sigurð H. Helgason á Grund
að senda mér sinn fyrripartinn hvort, til þess að keppa
um á þessu ári.
Guðrún Ása og Sigurður hafa fengið sína verðlauna-
pakka, sem ég vona að hafi náð þeim fyrir jólin. Öll
önnur verðlaun, þar á meðal um 60 bókaverðlaun verða
send í þessum mánuði.
Svo þakka ég ykkur, krakkar mínir, fyrir alla ykkar
góðu botna, því að ég held, að enginn hafi haft meiri
gleði af þessari keppni en ég, og er satt að segja yfir
mig hrifinn.
Og nú bið ég ykkur, og öllum Heima er bezt-heimil-
um, blessunar á þessu nýja ári, og þakka skemmtilegt
samstarf á gamla árinu. Einnig þakka ég kærlega þeim
fjölmörgu bréfriturum, sem látið hafa í ljósi ánægju
sína með „Heima er bezt“ og allar þeirra góðu óskir.
Sigurður O. Björnsson.
Heima er bezt 33