Æskan - 01.12.1947, Qupperneq 2

Jólablað Æskunnar 1947
LEIFTUR-bækur
verða í ár eins og mörg undanfarin ár beztu jóla-
bækurnar. Af þeim bókum, sem við höfum gefið
út nýlega, viljum við sérstaklega benda á þessar:
íslenzkir guðfræðingar 1847—1947. Þetta eru
tvö stór bindi með 4—500 mannamyndum.
I síðara bindinu er æviágrip allra, sem lokið
hafa guðfræðiprófi í 100 ár. Allir, sem unna
persónufróðleik og ættvísi, verða að eiga þetta
mikla rit.
Hallgrímur Pétursson. Ævi hans og starf. Eftir
dr. theol. Magnús Jónsson prófessor. Þetta er
óefað merkasta rit þessa árs, enda byggt á
áratuga löngu rannsóknarstarfi og athugun-
um höfundarins. Fer ekki hjá því, að flestir,
sem lesa þetta mikla rit, sjái Hallgrím og störf
hans í enn skærara Ijósi en þeir hafa áður séð
hann. Og ekki fer hjá þvi, að mörgum mun
finnast, að þeir lesi Ijóð Hallgríms í fyrsta
sinn, er þeir lesa þau með skýringum Magn-
úsar prófessors. — Ævisagan er 704 þls.,
prentuð á forlátapappír og bundin í chagrin-
skinn. 30 myndir eru í verkinu.
Leikfélag Reykjavíkur 25 ára. Nokkur eintök eru
enn óseld af þessari skemmtilegu og fróðlegu
þók. Leiklistarvinir ættu ekki að draga það
of lengi að kaupa eintak. í ritinu er mikill
fjöldi leikaramynda.
Hagnýf barnasálarfræði eftir Charlotte Buhler
í þýðingu Ármanns Halldórssonar skólastjóra.
Þetta er handbók fyrir foreldra og kennara,
sem gefur margar og ágætar upplýsingar um
sálarlíf barnsins og hvernig ala eigi upp börn.
Þeir, sem eigi er sama um hvernig uppeldi
barna heppnast, ættu að kynna sér þessa bók.
Daði fróði. 2. hefti af ritsafninu „Menn og minj-
ar“. Alls eru komin út 4 hefti. 5. hefti er í
prentun. Fylgist með þessu safni og kaupið
heftin jafnóðum og þau koma út.
ívar Hlújárn. Hin fræga saga Walter Scotts, með
um 300 myndum, er komin út. Afbragðs-
skemmtileg unglingabók.
Hrói Höttur. Ódauðleg unglingabók i snilldar-
þýðingu Freysteins Cunnarssonar skólastjóra.
Kostar aðeins kr. 12.50 í fallegu bandi.
Undir skátafána. Saga um skátadrengi í þýðingu
Þórðar Möllers skátaforingja. Verulega góð
drengjabók.
Strákapör Níelsar hugprúða. Drengjasaga í þýð-
ingu Jóns N. Jónassonar kennara. Viðburðarík
og spennandi drengjabók.
Kata frænka. Óvenjulega falleg og skemmtileg
telpubók, í þýðingu Steingríms Arasonar
kennara. Kata frænka verður á hverju heimili
um jólin.
Pönnukökukóngurinn. Þetta er bók fyrir yngstu
bókamennina, 8 litmyndir með viðeigandi
texta. Sagan byrjar svona: „Einu sinni var
kóngur, sem var kallaður Pönnukökukóngur-
inn. Hann var svo feitur og þungur, að ekki
gátu færri en átta menn tekið hann upp.“
Pönnukökukóngurinn stjórnaði Pönnuköku-
landinu, sem var stórt og víðlent ríki. —
Skemmtilegri bók en Pönnukökukóngurinn er
ekki til handa þeim yngstu.
Kaupið Leiftur-bækur til jólagjafa og þá munuð
þér skapa vinum yðar gleðileg jól.
Sendum bækur gegn póstkröfu út um allt land.
H.F. LEIFTUR, Reykjavík.
112