Æskan - 01.11.1964, Blaðsíða 39

Blessuð litla brúðan mín,
bráðum koma jólin.
Þú skalt verða fjarska fín,
fara í rauða kjólinn.
Hér er kápa handa þér,
heldúr falleg, sýnist mér,
græn með hnappa hvíta,
hér gefst á að líta.
Ég fæ líka eitthvað nýtt
eflaust, fyrir jólin.
Litla tréð mitt ljósum prýtt
ljómar eins og sólin.
Efst er stjarna undurskær,
er jjii bai'a gengur nær,
margskyns gull og myndir
má vera þú fyndir.
Það er víst, að ekkert er
á við blessuð jólin.
Stjarnan fagra birtu ber.
— Bráðum hækkar sólin.
Ég fæ sleða, ég fæ skó,
ég fæ kannski jólasnjó,
iit um hjarn ég hoppa,
hleyp og renn og skoppa.
371