Æskan - 01.12.1988, Blaðsíða 24

Hvatamenn að stofnun alþjóðlegs samstarfs um betri heim - ásamt börnunum sem
bjuggu til líkan af borg eins og þau vildu hafa hana í framtíðarheimi.
„Búum
til betri
heim“
- Alþjóðlegt samstarf um
betri heim en við lifum í.
Verkefni tileinkað
Sameinuðu þjóðunum.
Sameinuðu þjóðirnar helguðu árið 1986
friði. Um allan heim tók fólk höndum
saman til að láta friðarlöngun í ljós og fé-
lög og sérstakar nefndir efndu til sam-
keppni um ritgerðir, sögur og listaverk,
héldu samkomur og tónleika til að minna
á málefnið.
Mönnum, sem friðarlöngun blundaði í
brjósti, þótti ekki mega þar við sitja. Því
var komið á fót nefnd á vegum S.Þ. og
hafði það hlutverk að halda áfram starfí
undirbúningsnefndar Friðarársins. Hún
tengdi saman einstaklinga og samtök
sem lagt höfðu hönd á plóginn.
Hjá félögum í Brahma Kumaris, sam-
tökum sem eru aðiljar að Sameinuðu
þjóðunum en ekki bundin þjóðerni,
tendraðist áhugi á að stofna alþjóðleg
samtök er ynnu að friði. Eftir umræður á
alþjóðlegri friðarráðstefnu og viðræður
við áhugafólk varð það að veruleika.
Stofndagur var 21. apríl 1988. Þá var
komið saman víða um heim til að til-
kynna formlega og fagna stofnuninni - í
Westminster-höll í Lundúnum, bygg-
ingu S.Þ. í Nýju Jórvík, aðalstöðvum
umhverfísverndarráðsins í Nairobi og
húsi efri málstofu þingsins í Brasilíu.
Á samkomunni í Lundúnum, en
henni var hljóðvarpað um allan heim,
kynntu átta og níu ára börn hugmyndir
sínar um framtíðarheim. Börnin höfðu
unnið saman í þrjá mánuði að því að
móta hugmyndir sínar - í bókstaflegri
merkingu því að þau bjuggu til líkan af
borg eftir óskum sínum og vonum. Lík-
anið afhentu þau sem gjöf til Alþjóðlega
samstarfssjóðsins - en hann veitir við-
24- ----
töku hugmyndum í rituðu máli, mynd-
verkum, söngvum og hverju því sem
hugmynd kviknar um hjá hópum eða
einstaklingum sem leggja vilja málefninu
lið.
Það var táknrænt að börnin eru bekkj-
arfélagar - en af ýmsu þjóðerni. Þau eru
frá tíu þjóðum en tuttugu alls í bekkn-
um. Þau voru eins og afarsmá mynd af
heiminum.
Vilt þú vera með?
Þátttakendur í samstarfi þessu eru frá
áttatíu löndum sem aðild eiga að Samein-
uðu þjóðunum. Stefnt er að því að fá
liðsmenn meðal allra 159 aðildarþjóð-
anna.
Meðal verndara starfsins eru þekktir
friðarsinnar - stjórnmálamenn, vísinda-
menn og listamenn. Við nefnum hér
nöfn nokkurra þeirra - fólks sem þú
kannt að hafa heyrt um:
Vladimir Ashkenazy, Sir Yehudi
Menuhin, Peter Gabriel og Midge Ure
tónlistarmenn; leikararnir Ben Kingsley
(Gandhi í samnefndri kvikmynd),
Michael York og Dennis Weaver; knatt-
spyrnuþjálfararnir og stjórnendurnir
Bobby Charlton og Greame Souness (áð-
ur landsliðsmenn); Lady Baden Powell
heiðursfélagi alheimsskátahreyfingarinn-
ar.
Tilgangur samstarfsins er að hvetja
fólk (á öllum aldri - ekki síst æskufólk)
til að leiða hugann að því hvernig það
vill að heimur okkar sé og hvað það vill
gera sjálft til að stuðla að því að hann
verði börnum sínum betri en hann er.
Það má gera á ýmsan einfaldan hátt; til
að mynda með því að koma alltaf vel
fram, sýna öðrum og sjónarmiðum
þeirra skilning, reynast hjálpsamur og
áreiðanlegur.
Finnst þér litlu skipta hvað þú gerir?
Einn af öllum þessum aragrúa í heimin-
um. Ef allir hugsa þannig breytist ekk-
ert. Ef allir taka sig á gerist kraftaverk!
Þú og félagar þínir eru hópur; margir,
margir hópar mynda mergð, aragrúa.
Það er fólkið í heiminum.
Að skapa betri heim er ekki eitthvað
sem dettur úr skýjunum og það gerist
ekki eingöngu við samningaborð. Það
hefst í samfélaginu, meðal fólksins, mót-
ast af viðhorfum þess. Það byrjar með
verkum sem sýna umhyggju og tillits-
semi. Það byrjar hjá þér og þeim sem
næst þér standa.
Þú ættir að senda okkur hjá Æskunni
bréf og lýsa hugmyndum þínum um ver-
öld sem öllum reynist blíð, hvað bæta
megi í skóla þínum, hverfínu eða bænum
þínum. Þú gætir líka sagt frá þeim
ákvörðunum sem þú kannt að taka til að
verða enn betri félagi, vinur, dóttir eða
sonur. . .
Utanáskrift er einfaldlega: Æskan,
pósthólf 523, 121 Reykjavík.
Steinunn Eiríksdóttir, Sunnuhvoli,
270 Mosfellsbæ, annast tengsl við alþjóð-
lega verkefnisnefnd.
—ÆSKAN