Æskan - 01.07.1993, Síða 20

LEYNDARDOMAR SNÆFELLSJÖKULS
Enskur prófessor, Hörður að nafni, var eitt sinn að fletta fornri bók.
Þá fann hann bréfsnifsi með áritun á máli sem hann skildi ekki. Harald-
urfrændi hans hjálpaði honum að þýða skilaboðin. Þau höfðu verið rit-
uð af merkum landkönnuði, Árna Saknussemm, sem látinn var fyrir
mörgum öldum. Árni lýsti því hvar væri að finna munna neðanjarðar-
ganga sem lægju inn að miðju jarðar. Það var á íslandi! Hörður ákvað
að freista þess að finna göngin og leggja leið sína eftir þeim. Haraldur
bauðst til að fara með honum.
Á Islandi réðu þeir sér leiðsögumann sem hét Hans. Þeir héldu ó-
trauðir á Snæfellsjökul og fundu göngin. Þeir voru með góðan útbún-
að á þeirra tíma vísu, reipi, luktir, axir og vistir til margra mánaða.
Þeir héldu niður göngin, æ dýpra. Ótrúleg sjón blasti við þeim, ein-
kennilegar kletta-myndanir og neðanjarðar-ár. Risa-sveppir brögðuðust
vel. Eftir að þeir höfðu ferðast margar vikur komu þeir að neðanjarðar-
hafi. En furðulegast af öllu sem þeir sáu voru risavaxnar verur sem líkt-
ust mönnum.
Þeir félagar héldu áfram þar til þeir komu að geysistórum kletti sem
lokaði leiðinni. Þeir ákváðu að sprengja hann með púðri en notuðu of
mikið af því og komu eldgosi af stað. Loftstraumur þeytti þeim upp á
stóran stein sem glóandi hraunelfa þrýsti með ógnar-hraða upp
þrönga rás - allt upp á yfirborð jarðar! Þeir lifðu þetta af og gátu sagt
fólki hina ótrúlegu sögu sína!!
(Fyrir allmörgum árum var gerð bandarísk kvikmynd eftir þessari
sögu og var hún nefnd Leyndardómar Snæfellsjökuls. Eitt aðalhlutverk-
anna, Hans leiðsögumann, lék íslenskur leikari sem starfaði í Bandaríkj-
unum, Pétur Rögnvaldsson).
Ferðastu meö Haraldi, Herði og Hans í iöur jarðar. Kannaðu
furður undirheima - en gættu þín á jötnunum. Finndu rásina sem
liggur upp um Snæfellsjökul, hina fornu eldstöö, svo að þú getir
þeyst þar upp með ferðalöngunum þremur!
Tilvalið er að lita þessar síður.