Heimilisblaðið - 01.01.1964, Blaðsíða 4

daga samfleytt, en át eins og aðrir menn
í 5—6 vikur þess í milli.
Af öðrum sveltimeisturum frá sama
tíma má nefna Danann Cetti og ítalann
Merlatti, sem ferðuðust í fimm ár sam-
fleytt um Frakkland þvert og endilangt á
vegum blaðsins Figaro.
Síðan heyrðist ekkert um sveltimeistara
af slíku tagi, fyrr en veturinn 1925, að
Þjóðverji einn, sem kallaði sig Jolly, sett-
ist að í veitingahúsinu Zum Krokodil í
Berlín. I miðju veitingahúsinu var komið
fyrir skáp, sem stóð á þrem hálfmetershá-
um fótum. Skápur þessi var þrír metrar
á hæð, metri að lengd, og metri á breidd,
gerður úr gleri nema þakið, sem gert var
úr flugnaneti, loftræstingar vegna. Á hlið
hans voru dyr, sem í upphafi föstunnar
voru rammlega læstar og innsiglaðar af
opinberum eftirlitsmanni. Vandlega var
svo um búið, að ekki væri hægt að smygla
svo miklu sem einum sykurmola inn til
Jollys á meðan hann væri í skápnum.
í skápnum var komið fyrir legubekk
með teppum, einnig borði með nokkrum
bókum og blöðum. Á gólfinu voru fáein
lóð, 10—50 kíló að þyngd, sem Jolly skyldi
nota til að sýna áhorfendum áhrif föstunn-
ar á líkamsþrek hans, — og svo það nauð-
synlegasta: nokkrir kassar af sódavatni,
ásamt sígarettum og eldspýtum. Gegnum
gólfið var stungið járnröri með trekt að
ofanverðu, en vatnsfötu neðanundir.
Fjórða hvern dag opnaði eftirlitsmað-
urinn dyrnar, og læknir og rannsóknar-
nefnd athugaði ástand Jollys og sáu um,
að hann fengi nóg af sígarettum og sóda-
vatni.
Á hverjum degi lét Jolly áhorfendur
vita, hvernig fastan gengi. Hann viður-
kenndi, að fyrsta daginn hefði hún kvelj-
andi áhrif á hann; næsta morgun langaði
hann enn í mat, en síðan hyrfi sér með öllu
matarlöngunin.
Af hinum daglegu æfingum með lóðin
að dæma, hafði fastan engin áhrif á líkams-
þrek hans. Hinsvegar olli andleg áreynsla
— einkum þó lestur — meiri og minni erf-
iðleikum.
Þetta kom mönnum spánskt fyrir sjónir,
því að almenningur ímyndar sér einmitt
hið gagnstæða. Jafnvel lærðir menn hafa
haldið því fram, að heilinn starfi bezt,
þegar svolítið garnagaul fær að leika undir.
Tilraun Jollys vakti óhemju athygli, og
fólk streymdi í löngum röðum til Zum
Krokodil. En eftir 25 daga lét lögreglan
loka veitingahúsinu, þar sem maður nokk-
ur hafði — með réttu eða röngu — stað-
hæft, að skápur Jollys væri ekki eins þétt-
ur og af væri látið, og að skúrkurinn hefði
innibyrgt á degi hverjum ekki svo lítið
magn af súkkulaði!
Sama ár fór þýzk-indverskur maður,
Sidi Hassan að nafni, í sultarkúr í þrjátíu
og sex daga í Stokkhólmi. Og á brezku
skemmtiferðaskipunum Blackpool, Rams-
gate o. fl. eru einatt sveltimeistarar til
sýnis. Fyrir nokkrum árum fóru nývígð
hjón jafnvel í brúðkaupsferð í þannig
sveltiskáp — hún í brúðarkjólnum og
hann í kjól og hvítu — og tókst að svelta í
samfleytt þrjátíu og átta daga!
Hvað sem menn segja um sveltimeistara
af þessu tagi, færa þeir frekar sönnur á
en hitt, að föstur séu hollar að vissu marki,
en slíkt hafa ýmsir heimsfrægir menn stað-
hæft, eins og t. d. Upton Sinclair. Hann
kallar föstuna „öryggisventil móður nátt-
úru gegn öllum sjúkdómum.“
Má vera, að Upton Sinclair sé einum
um of bjartsýnn á ágæti föstunnar, en gegn
ýmsum sjúkdómum — einkum í þörmun-
um — getur hún haft sitt að segja til að
lækna bæði kirtla og vefi; það er sannað
mál.
FORN KINVERSK SPEKI
Á dyrum fangelsisins standa fjögur orð:
„Þú iðrast of seint“.
Ef þú vilt hætta að drekka, þá virtu fyrir
þér drukkinn mann.
Tíminn er eins og örvarskot.
Örsmá steinvala getur splundrað stóru keri.
Gangi maður aldrei upp á hæðina, sér mað-
ur aldrei yfir sléttuna.
4
HEIMILISBLAÐIÐ