Kirkjuritið - 01.08.1939, Síða 72
286
Erlendar fréttir.
Ág.-Sept.
var tekin á síðasta kirkjuþingi í Mikley í Manítoba ö.— 9 júní
síðastl.
Yfirlýsing frá kirkjuleiðtogum Stóra-Bretlands.
Fimm kirkjuleiðtogar á Stóra-Bretlandi hafa gefið lit þessa
yfirlýsingu:
„1. Vér teljum það nauðsynlegt til verndar sannri menningu,
sem hér segir: Orðheldni einstaklinga, flokka eða ríkja, til þess
að traust og góðvild geti haldist. Trúfrelsi, frelsi til ])ess að
segja og gjöra það, sem trúin býður, svo framarlega sem það
steypir ekki almanna friði og reglu í voða. Jafnrétti allra gagn-
vart lögum, hver sem staða þeirra er í þjóðfélaginu og hvaða
kynstofni, sem þeir eru af. Öryggi á Hfi og limum, frelsi og
eignum, nema að undangengnum dómi fyrir brot á réttum lögum.
2. Véi- lítum svo á, að það sé ósamrímanlegt kristinni trú að
fara í stríð, nema því aðeins að verja þurfi þjóðarfrelsi og
máttarstoðir sannrar menningar.
3. Vér vísum á bug allri einangrunar pólitík og öllum fyrir-
ætlunum, sem miða að því að draga taum ákveðinna þjóða fjár-
hagslega en bægja öðrum frá.
4. Vér viðurkennum, að nauðsyn kunni að verða á því, sök-
um breyttra kringumstæðna, að landamæri færist til bæði í
Evrópu og annarsstaðar i heiminum. Vér erum því meðmæltir,
að leitað verði ráða til j)ess að koma þvi í kring með skynsam-
legum hætti. Vér rísum öndverðir gegn öllum tilraunum til að
koma breytingunum á með ógnunum eða ofbeldi.
5. Vér hyggjum, að trúin ein á einn Guð og föður allra þjóða
og hlýðnin við hann megni að leysa heiminn frá eymd og vand-
ræðum.“
Þrátt fyrir góðan vilja þessara manna og allra, sem eru á
sömu skoðun, er nú Evrópustríðið skollið á. Málti við því búast,
er „á gengust eiðar, orð og særi, mál öll meginlig, es á meðal
fóru,“ að ragnarökkur væri í nánd.
Frægur guðfræðisprófessor látinn.
John Wood Oman, sem verið hefir forstöðumaður Westminster
College i Cambridge langa hríð, andaðist nú í sumar, 78 ára að
aldri. Hann var prófessor í samstæðilegri guðfræði (frá 1907)
og afkastamikill rithöfundur. Hann þótti bera af öðrum mönn-
um að því, hve djúpt hann lagðist í hugsunum sínum um guð-
lega hluti og hve heitur trúmaður hann var.
Nýr biskupsstóll á Finnlandi.
Á þessu ári hefir nýr biskupsstóll verið settur á Norður-