Kirkjuritið - 01.08.1939, Síða 73
KirkjuritiS.
Erlendai' fréttir.
287
Finnlandi, í Kuopio. Heitir fyrsti biskupinn þar Sormunen, og
var hann áður jjrófessor í samstæðilegri guðfræði.
Fé til kristniboðs og í óþarfa eyðslu.
Fórnfýsi Englendinga er oft með réttu við brugðið, þegar um
kristniboð er að ræða. En hversu litlu fé er þó varið til þess í
samanburði við það, sem fer í óhóf og óþarfa. Trúboðið á Eng-
landi hefir í árstekjur 2000000 sterlingspunda, og er það álitleg
fjárhæð út af fyrir sig. En ensku konurnar kaupa andlitsfarða
fyrir 7000000 punda á ári. Útvar])ið fær 8 miljónir, kvikmynda-
húsin 50, og aðrar 50 fara í sælgæti. í tóbak verja menn 125
miljónum og í áfengi 240 miljónum. Eru 2 miljónir smáræði
hjá öllum þeim ósköpum.
Fróðlegt væri að fara út í svipaðan samanburð hér á landi.
Slóvakaríkið nýja
verður algerlega kaþólskt ríki, eftir því sem dr. Tiro, stjórnandi
þess, hefir lýst yfir í viðtali við blaðamenn. Róðukrossar eiga
að verða festir upp í öllum skólum og herinn skyldaður lil að
sækja helgar tíðir á sunnudögum.
Spánska þjóðin.
Spánverjar láta sér víti Itússa að varnaði verða, snúa baki
við guðleysi og hverfa aftur lil kirkjunnar þúsundum sáman.
Alþjóðanefnd vinnu að því að reisa evangelisku kirkjuna aftur
úr rústum. Það er margþætt starf, m. a. þarf að sjá um evangel-
iska flóttamenn, sem hafa flúið frá Spáni til Suður-Frakklands.
Einnig er leitast við að tryggja réttindi presta Mótmælerida
kirkjunnar, en veitist erfitt, þótt svo eigi að heita, að trúfrelsi
sé í landinu. Matgjöfum er haldið uppi og gjört við skemdir á
kirkjum. Þetta viðreisnarstarf mun vafalaust taka langan tíma.
Raunir Armeninga.
Kjör Anneninga eru þung nú á dögum. Æðsti maður kirkju
þeirra, Katholikos Khoren, er látinn fyrir nokkuru, og fyrir
skömmu andaðist einnig höfuðbiskup þeirra í Jerúsalem, Torgorii
Konsjaqin. En í Jerúsalem hafa Armeningar hlotið undirbún-
ingsmentun undir biskupsembætti og önnur æðstu embætti í
kirkjunni. Trúfrelsi þeirra á Sýrlandi er af skornum skamti, því
að Múhameðstrúarmenn lelja það brot á boðun Kóransins, að
menn séu kristnir. Þúsundir Armeninga lifa því í ótta og angist,
landflótta og án lagaverndar.