Kirkjuritið - 01.02.1955, Síða 4

MAGNÚS JÓNSSON:
Boðskapur til kirkju íslands.
Biskup vor hefir nú sent prestum og próföstum „Hirðis-
bréf“ sitt, eins og venja hefir verið um skeið, er nýr biskup
hefir setzt að stóli.
Mér finnst þessi venja góð, og rétt að láta hana ekki
veðrast brott. Hefir þetta tíðkazt á öllum öldum kirkj-
unnar, að eg hygg, að biskupar og aðrir prelátar sendi
frá sér opin bréf, ýmist á stórhátíðum og tímamótum
eða þegar merkileg mál hafa verið á döfinni, sem rétt
hefir þótt, að yfirmaðurinn tæki afstöðu til og gerði þá
afstöðu heyrinkunna. I fornkirkjunni sendu patríarkar og
aðrir stórklerkar stundum frá sér ,,Páskabréf“. Þeir not-
uðu þessa stórhátíð kirkjunnar til þess að ávarpa lýðinn
og þá sér í lagi klerkana. Það er og alkunna, að páfar
hafa á öllum öldum sent frá sér mikil opin bréf. Var Leó
páfi 13. orðlagður fyrir sín meistaralegu umburðarbréf,
þar sem hann tók fyrir mestu vandamál samtíðarinnar
og lagði á þau sitt dómsorð.
Hirðisbréf dr. Ásmundar biskups er út gefið í bæklingi,
fagurt að frágangi öllum, svo að af ber, 40 blaðsíður,
með skýi’U letri, á vönduðum pappír, myndi svara til 30
blaðsíðna í Kirkjuritinu.
Hefur hann mál sitt með því að marka sér efnið. Nærri
gæti legið, að biskup gerði sérstaklega grein fyrir skoð-
unum sínum á margvíslegum guðfræðilegum efnum. En
hann víkur því frá sér með gildum rökum: ,,... mestur
hluti yðar (er) nemendur mínir, er þekkið vel skoðanir