Kirkjuritið - 01.02.1955, Blaðsíða 17

KETILL ÞORSTEINSSON BISKUP 63
inn er með helztu höfðingjum, er Gizur biskup andaðist,
er Norðlendingum nokkuð sjálfsagt biskupsefni, því betur
hafa þeir kunnað við að hafa einn úr sínum hópi á biskups-
stóli á Hólum. Kjör Ketils til biskups fer svo fram af
lærðum og leikum. Og er það hin rétta, forna aðferð, sem
hin almennu lög kirkjunnar heimiluðu. Ketill postulatus
sigldi samsumars og fór suður til Danmerkur og var vígð-
ur til biskups tíu nóttum eftir Kyndilmessu, 1. sunnudag
í föstu eða hinn 12. febrúar árið 1122, af Özuri erkibiskupi
Sveinssyni í Lundi. Kom Ketill biskup heim hið sama
sumar eftir og settist að stóli á Hólum og hóf nýjan feril
sinn.
Heimildir um biskupsstarf hans eru eigi margar, en
merkar.
Kirkjuvaldið hafði verið innleitt og fastir biskupsstólar
settir. Ennfremur hafði nokkurri skipun verið komið á
fjármálum kirkjunnar með setningu tíundarlaganna árið
1096. Nú var eitt eftir, að setja ákveðnar reglur um kirkju-
mál í heild að því leyti, er snerti leikmenn og samskipti
þeirra við biskup og presta. Féll það í hlutskipti þeirra
horláks Runólfssonar biskups í Skálholti og Ketils biskups
a Hólum. Var lagabálkur saminn um þau atriði og nefnist
Ki’istinn réttur hinn forni, en er varðveittur í Grágás.
Var það gjört að ráði özurar erkibiskups og Sæmundar
Prests Sigfússonar og margra annarra kennimanna eftir
hví, sem Grágásarhandritin segja. Eigi er vitað, hvenær
lög þessi voru sett, en einhvern tíma á árunum 1123 til
1133 hefir það verið, því að seinna árið önduðust þeir
horlákur biskup og Sæmundur fróði. Kristinn réttur hinn
forni er svo í gildi í Skálholtsstifti til ársins 1275, er Krist-
lnn réttur Árna biskups Þorlákssonar er lögtekinn, en í
Hólastifti gilti hann til ársins 1354.
1 Noregi og Danmörku höfðu verið sett lög um kirkju
°g kristnihald nokkru fyrr, eða snemma á 11. öld. Voru
Öau kristinn réttur Knúts helga í Danmörku, en kristinn
réttur Grímkels biskups og Ölafs helga í Noregi. Hafa