Kirkjuritið - 01.02.1955, Síða 42

Prýðum Guðshúsin.
Frá Kópavogssöfnuði.
Kópavogssöfnuði bárust ýmsar góðar og dýrar gjafir á liðnu
ári. „Kirkjusjóður Kópavogs", en að honum standa nokkrar
áhugakonur undir forsæti frú Helgu Sveinsdóttur á Sæbóli,
gaf tvo silfurstjaka. Þeir eru þríálma og hin ágætasta smíði,
gerðir af Jóni Dalmannssyni gullsmið.
W. Beckmann: Altaristafla.
Ónefnd kona gaf vandaðan altarisdúk.
Wilhelm Beckmann myndskurðarmeistari gaf á síðastliðnu
hausti útskorna altaristöflu, sem hann hefir sjálfur gert af
miklu listfengi og geysihagleik. Tafla þessi er úr mahogniviði
og sýnir niðurtekning Krists af krossinum. Aðalmyndin er af
lausnaranum, en jafnframt sést Jósef og konurnar tvær veita
önduðum líkama hans umbúnað. Breiður rammi er um töfluna
og hann skreyttur höfðaletri. Þessi er áletrunin að ofan og
neðan: „Hann var særður vegna vorra synda ... og fyrir hans