Kirkjuritið - 01.02.1955, Síða 45

FRÁ KIRKJUKÓRUNUM
91
Kirkjukórinn „Hljómhvöt“.
Við Mýra og Núps kirkjur í Dýrafirði starfar kirkjukórinn
,,Hljómhvöt“. í söngsveitinni er 25 manns, 15 konur og 10
karlar. Söngstjórar kórsins eru Haukur Kristinsson organisti
við Núpskirkju og Guðjón Davíðsson organisti við Mýrakirkju.
í seinni hluta ágústmánaðar í sumar efndi kórinn til söng-
námskeiðs með tilstyrk Kirkjukórasambands íslands. Söng-
stjórar kórsins undirbjuggu námskeiðið með verkefnavali og
raddæfingum, en kennari á námskeiðinu var Jónas Tómasson
organleikari og tónskáld á Isafirði.
Mikill áhugi og samhugur kom í Ijós hjá kórnum á þessu
námskeiði. I lok þess var efnt til samsöngs að Núpi. Voru
þar sungin 12 lög, sem kórinn hafði æft. Að ósk söngstjóranna
og söngfólksins stjórnaði Jónas Tómasson þessum samsöng.
Lögin voru flutt sum án undirleiks (a capella), en sum með
undirleik, og léku þá söngstjórar kórsins, Guðjón og Haukur,
undir til skiptis. Tvisvar var gert hlé á söngnum. í fyrra hléinu
lék Jónas Tómasson á harmóníum 3 frumsamdar prelúdíur,
en i seinna hléinu las Guðmundur Ingi Kristjánsson skáld upp
frumsamin kvæði.
Síðasti þáttur söngskrárinnar — 4 lög — var eftir Jónas
Tómasson, úr Strengjastefum I. Höfðu söngstjórar kórsins valið
þau og raddæft, en höfundurinn stjórnaði, eins og áður segir.
Samsöngur þessi þótti takast mjög vel, og var aðsókn góð.
Að loknu námskeiðinu fór flokkurinn til Þingeyrar og var
söngurinn endurtekinn þar.
*
Sumarskóli að Löngumýri í Skagafirði.
Frá 26. júní sl. sumar til 18. ágúst starfaði sumarskóli fyrir
ungar stúlkur að húsmæðraskólanum að Löngumýri í Skaga-
firði undir stjórn forstöðukonunnar, frú Ingibjargar Jóhannes-
dóttur. Á hún og frumkvæðið að þessari nýbreytni og hefir
komið henni í framkvæmd með sínum alkunna dugnaði, en ríki
og kirkja hafa styrkt stofnunina. Skólinn starfaði með þeim