Kirkjuritið - 01.03.1955, Page 39

MAGDALENA
133
unnt að segja (Matt. 27, 56. 61; 28, 1; Mark. 15, 40. 47;
16, 1; Lúk. 24, 10).
4. María, kona Klópa, er nefnd í Jóh. 19, 25, en þar
er orðinu ,,kona“ aukið við í íslenzku þýðingunni. Eftir
grískunni gæti hún jafnt verið móðir eða kona Klópa eða
á annan hátt við hann kennd. Hún gæti því enn verið sama
konan og næst er nefnd hér að framan. I þessum tilgreinda
stað er hún sögð móðursystir Jesú.
5. María, móðir Jóhannesar Markúsar (Post. 12, 18).
6. María, „sem mikið hefir erfiðað fyrir yður“ og fær
kveðju frá Páli postula í Rómv. 16, 16.
7. Loks er svo María Magdalena.
3.
María Magdalena er ekki oft nefnd, og nálega eingöngu
í frásögnunum af upprisu Jesú og í sambandi við þær frá-
sagnir. Er þetta fljótrakið.
I Mark. 15, 40nn og hliðstæðu í Matt. 26, 55nn er frá
því skýrt, að konur, er fylgt höfðu Jesú, hafi staðið álengd-
ar og horft á andlát Jesú og síðan séð, hvar hann var
greftraður. Er María Magdalena nefnd í þeim hópi.
Þá er hún í öllum guðspjöllunum nefnd meðal þeirra, er
fyrstar urðu vottar upprisunnar.
Mark. 16, 1: María Magdalena og María móðir Jakobs
og Salóme.
Matt. 28, 1: María Magdalena og María hin.
Lúk. 24, 10: María Magdalena og Jóhanna og María
Jakobs.
Jóhannesarguðspjallið sker þó hér mest úr. Það tilgreinir
Maríu Magdalenu hjá krossi Krists. En mestu varðar þó
Þar um sjálfa upprisufrásögnina. Segir þar (20, 1), að
hún hafi komið að gröfinni, snemma, meðan enn var
öimmt, að því er virðist ein, og séð að gröfin var opin.
Hljóp hún þegar og segir frá þessu. Síðan er frásögnin
fagra (20, 11—18) af því, er Jesús birtist henni fyrstri
allra, og orðaskipti þeirra. Þessi frásögn hefir án efa lyft