Kirkjuritið - 01.03.1955, Blaðsíða 43

MAGDALENA
137
Geta má þess, að í næsta kapítula á undan er frásögn
Jóh. um uppvakningu Lazarusar, þar sem þessi systkini
eru kynnt.
5.
Áður en fleiri frásagnir eru nefndar, er rétt að athuga
þessar smurningarfrásagnir.
Mun það þá vera nokkurn veginn samróma álit, að frá-
sögn Jóh. 12 og frásögn Mark. 16 (Matt. 26) séu af sama
viðburði. Báðar gerast í Betaniu skömmu fyrir dauða
Jesú, þó að þar beri á milli um daga. Mark. getur ekki
nafns konunnar, enda nefnir hann hvergi Maríu þessa
né þau systkini í Betaníu. Jóh. getur þess hins vegar
ekki, að þetta færi fram í húsi Símonar líkþráa, þó að
hann sé annars rífari á mannanöfnin. Þetta rekst þó eng-
an veginn á. Símon þessi gat verið andaður, þó að húsið
bæri nafn hans. Hann hefði getað verið faðir þessara
systkina eða maður Mörtu. Sennilegt er, að Jesús hafi
læknað hann, og hafi það verið upphaf vináttunnar.
Megin munur frásagnanna er hins vegar aðferð kon-
unnar. Hún er alveg eðlileg í frásögn Mark. (Matt.). Konan
smyr höfuð Jesú með hinni dýru olíu, og vitanlega þerrar
hún ekki smyrslin. En í frásögn Jóh. smyr hún fætur
Jesú og þerrar með hári sinu. Hér er ekki aðeins megin
munur, heldur er þessi aðferð konunnar mjög undarleg
og ólíkleg, og að því leyti ósæmileg, að konan gerir hér
það, sem engin heiðvirð kona gerði, að leysa hár sitt
frammi fyrir öllum.
Varla er þó unnt að efast um, að sagan er hin sama.
En þá er „konan“, er Samstofna guðspjöllin segja frá,
María systir Mörtu og Lazarusar.
Hver fer þá réttara með? Svarið hefir verið: Samstofna
guðspjöllin. Jóhannesarguðspjall er hér sem oftar, segja
menn, næsta ónákvæmt í frásögn sinni. Þetta er þó ekki
eins víst og út gæti litið í fyrstu og verður að athugast
betur.