Kirkjuritið - 01.11.1955, Page 16
398
KIRKJURITIÐ
verið fastur liður í starfi þjóðkirkjunnar. Fermingaraldurinn
er mikill mótunartími. Með kynþroskanum verða geysileg umrót
í sál hins unga. Oft er þá losarabragurinn mikill. Viðkvæði hjá
mörgum foreldrum er þetta:
„Ég skil ekkert í því, hvemig drengurinn minn (stúlkan mín)
er orðin(n)! . . . Ég þekki varla mitt eigið bam!“
Fermingin mótar lífsstefnuna. Hún á að vera hinum unga
mikil blessun til þess að komast yfir þetta erfiða tímabil.
Honum er þá ekki sízt fyrir mestu að leitast við af fremsta
megni að hafa Jesú Krist að leiðtoga. Flestir foreldrar munu
hugsa líkt og faðirinn, sem sagði að aflokinni fermingu: „Ekki
vildi ég láta bamið mitt fara á mis við þessa athöfn."
En það er ekki nægilegt að skíra bömin og ferma ungmennin.
Hinir ungu þurfa stuðning, hjálp og leiðsögu milli þessara
athafna og eftir þær. Kirkjan má aldrei sleppa hendinni af þeim.
Hún hagræðir starfi sínu eins og bezt hentar hverjum tíma.
Barnastarf kristinnar kirkju um heim allan
Vagga sunnudaga- einkennist af sunnudagaskólum. Vagga
skólanna. þeirra er á Englandi. Árið 1780 hóf maður
að nafni Robert Raiks sunnudagaskólastarf
fyrir vanhirt böm á götum úti. Fyrsti skólinn var í Glauchester.
Mr. Raiks til aðstoðar var einn af prestum borgarinnar. Hann
kenndi fræðin, sagði börnunum sögur og æviatriði Frelsarans.
Brátt tóku kirkjurnar upp þetta starf. Hreyfingin breiddist út
um England og til annarra landa.
Á hundrað ára minningarhátíð sunnudagaskólanna, sagði
heimsblaðið „Times“, að „trúrækni ensku þjóðarinnar væri að
miklu leyti þeim að þakka.“ (Smbr. Kirkjubl. ’93 bls. 150)
í sunnudagaskólum eru börn til fermingaraldurs. Fermingin
opnar nýjan heim. Hinn ungi er ekki lengur barn og á ekki
samleið með börnunum. Hann er heldur ekki fullorðinn og á
ekki samleið með fullorðnum. Hann er æskumaður.
Kristin kirkja leggur kapp á að vekja æskulýðinn til trúar.
Kristilegar hreyfingar fara víða um lönd, einkum með tilliti
til hinna ungu. Ein slík hreyfing lætur nú mjög til sín taka.
Nefnist hún: „Youth for Christ“ (YFC). — Æskan fyrir Krist.
— íslenzkir fréttamenn ganga að miklu leyti framhjá að segja
fréttir af stórmerku vakningarstarfi hennar. I Englandi hefir
hún haldið allmarga fundi. Samanlagt sóttu þá rúmar þrjár