Kirkjuritið - 01.11.1955, Blaðsíða 45
Prestafundur hins forna Hólastiftis 1955.
Aðalfundur Prestafélags hins forna Hólastiftis var haldinn
að Hólum í Hjaltadal dagana 13. og 14. ágúst s. 1. Sátu hann
22 prestar stiftisins. Fundurinn hófst í dómkirkjunni með því
að prestur staðarins, séra Björn Björnsson, flutti ávarp og
bæn, en fundahöldin fóru síðan fram í skólahúsinu.
Séra Helgi Konráðsson prófastur setti fundinn og gerði grein
fyrir væntanlegum störfum hans. Fundarstjóri var séra Friðrik
A. Friðriksson og ritarar séra Gunnar Gíslason og séra Birgir
Snæbjörnsson. Aðalumræður fundarins urðu um félagsmálefni
°g framtíðarstörf. Prestafélag hins forna Hólastiftis var stofn-
að árið 1898 fyrir forgöngu prófastanna séra Hjörleifs Einars-
sonar og séra Zophóníasar Halldórssonar. Frá 1910 hafa vígslu-
biskupar stiftisins verið sjálfkjörnir formenn þess. Lög félags-
ins voru frá stofnári þess. Þau voru nú á fundinum endur-
samin og meðal annars tekið inn í þau það ákvæði, að félagið
nVinni að endurreisn fullkomins biskupsstóls á Norðurlandi."
Þá var rætt um 850 ára afmæli Hólastóls á næsta ári, og
samþykkt að minnast þess með hátíðahöldum á Hólum, og
þótti öllum vel viðeigandi, að þar yrði sem mestur söngur,
sem verðugt mundi minningu hins sæla Jóns biskups Ögmunds-
sonar. Einnig var þess minnzt, að nú fer að nálgast 200 ára
afmæli Hólakirkju (1963), en engar ákvarðanir voru teknar
í sambandi við það. Um kvöldið flutti séra Benjamín Kristjáns-
son fróðlegt erindi um Skálholtsskóla, en að því loknu sátu
fundarmenn boð prestshjónanna á staðnum, séra Björns Björns-
sonar og frú Emmu Hansen.
Sunnudaginn 14. ágúst var fundi fram haldið kl. 9,30 að
morgni. Þá flutti séra Páll Þorleifsson á Skinnastað framsögu-
erindi um kristindómsfræðslu barna, og urðu um það nokkrar
umræður, sem gestur fundarins, Valdimar Snævarr skáld, tók
Þátt í meðal annarra.
Kl. 2 hófst messa í dómkirkjunni. Séra Þorsteinn B. Gíslason
Prófastur í Steinnesi prédikaði, og séra Sigurður Stefánsson