Kirkjuritið - 01.11.1955, Blaðsíða 52
t----------------------------------------------------------------------------------------
Tvær góðar bækur
Konungs skuggsjá.
Konungs skuggsjá er merkt og nafntogað rit, sprottið
úr hinum frjóa jarðvegi norrænnar menningar á blóma-
skeiði hennar á 13. öld. Hún er einnig eitt hinna örfáu
norsku rita, sem varðveitzt hafa.
Konungs skuggsjá birtist hér með nútíma stafsetningu
öllum þorra lesenda til hægðarauka. Ritið hefur ekki
verið prentað fyrr hér á landi, en var fyrst prentað í
Sórey árið 1767 í útgáfu Hálfdans meistara Einarssonar.
Þeir, sem eiga Fornritin og Islendingasögurnar, hafa
gaman af að eignast Konungs skuggsjá, enda verður hún
i ár jólagjöf hinna vandlátu bókamanna.
Smásögur dr. Péturs Péturssonar biskups.
Nú eru liðin um 100 ár síðan þessar smásögur komu
fyrst til. Þá var ekki um auðugan garð að gresja um
bókmenntir við barna hæfi, enda urðu sögumar dýr-
gripur í augum flestra unglinga og voru lesnar upp til
agna.
Þó að margt hafi breytzt á heilli öld, er hugur barns-
ins samur við sig, jafn gljúpur og opinn fyrir áhrifum
góðra og skemmtilegra frásagna. Má því vænta þess, að
þær eigi enn að mæta svipuðum vinsældum og þegar
þær komu fyrst út.
Þessar bækur fást hjá öllum bóksölum.
Prentsmiðjan Leiftur
S____________________________________________J
PRENTSMIÐJAN LEIFTUR