Kirkjuritið - 01.11.1955, Síða 28
410
KIRKJURITIÐ
Barðastrandarprófastsdæmi og gerðist aðstoðarprestur sr.
Magnúsar Þorsteinssonar, sem þá var að flytja til Reykja-
víkur. Fékk sr. Einar veitingu fyrir prestakallinu vorið
eftir, að lokinni kosningu. Prófastur í Barðastrandar-
prófastsdæmi var hann skipaður haustið 1945 og gengdi
síðan prests- og prófastsstörfunm vestra til dauðadags og
hafði einnig oft á hendi þjónustu í nágrannaprestaköll-
um sínum, einkum Sauðlauksdalsprestakalli.
Sr. Einar rækti prests- og prófastsstörf sín af mikilli
alúð og samvizkusemi og tók mikinn þátt í samstarfi vest-
firzkra presta. Var hann í stjórn Prestafélags Vestfjarða
um skeið og ritstjóri ,,Lindarinnar“, er félagið gaf út í
nokkur ár. Ritaði hann nokkuð í ,,Lindina“, meðal annars
birtust þar eftir hann ljóð og sálmar, því að hann var skáld-
mæltur vel.
Sr. Einar var kennimaður góður og öll kirkjuleg þjón-
usta fór honum vel úr hendi. Mjög var honum sýnt um
að tala til barna og unglinga, enda var hann mikill barna-
vinur og vinsæll meðal æskulýðsins.
Á Patreksfirði fékkst sr. Einar allmikið við kennslu-
störf, hélt þar kvöldskóla fyrir unglinga og var skólastjóri
iðnskóla um hríð. í félagsmálum tók hann einnig virkan
þátt, bæði þeim, er miðuðu til heilla fyrir almenning, svo
sem slysavarnamálum og til menningarauka, og þeim, sem
miðuðu að því að efla atvinnu og efnahagslífið á staðnum.
Hann lét sér ekkert mannlegt óviðkomandi og lagði alls-
staðar eitthvað gott til. Hann var einn hinna mörgu góðu
presta, sem tekið hafa þátt í lífskjörum sóknarbarna sinna,
gleði þeirra og sorgum og verið þeim ráðhollur vinur og
fyrirmynd í daglegri framkomu.
Utan prestakalls síns var sr. Einar einna þekktastur fyrir
áhuga sinn á bókafræði og blaðasöfnun. Hann átti sjálfur
ágætt bókasafn, og safn hans af blöðum og tímaritum var
óvenju mikið og gott, enda hafði hann safnað til þess,
allt frá því hann var í skóla. Hið mikla og góða safn sitt
gaf hann Manitoba háskóla í því augnamiði, að það mætti