Kirkjuritið - 01.11.1955, Blaðsíða 39

SÉRA BENEDIKT KRISTJÁNSSON
421
svo hlýja sál, að honum veittist erfitt að hugsa sér guðdóminn
öðruvísi en mildan og fyrirgefandi föðurkærleika.
Ég minnist einnar ræðu, er hann flutti á föstudaginn langa
í kringum 1890.
Þar skiptir hann í tvo flokka þeim hluta mannkynsins,
sem kallar sig kristinn og hefur verið alinn upp við kenningar
og áhrif kristinna trúarbragða. Annar hópurinn fylgir hinum
iðrandi ræningja, sem krossfestur var með Kristi. Hann finnur
til vanmáttar síns, að geta bætt sjálfur fyrir allar yfirsjónir
sínar. Finnur, að honum er þörf á náð og fyrirgefningu, og
biður Jesú að minnast sín og hylja afbrot sín.
Hinn flokkurinn er á ferð með þeim manninum, er hæddi
Jesú á krossinum og hirðir ekki um að leita Guðs og frelsis Jesú
Krists. Hann heldur áfram allt lífið án þess að snúa sér til
Guðs í bæninni, og telur sig sjálfan ábyrgan gjörða sinna.
Hverjum hópnum hefir þú fylgt? Og hverjum þeirra viltu
fylgja framvegis? Það verður þú að gjöra upp við sjálfan þig.
Og síðar í sömu ræðu sagði hann: Ég hef þá von til miskunnar
Guðs, að hver einasta mannssál komist til hans um síðir. En
ég fæ ekki varizt þeirri hugsun, að sá maður, sem iðrunar-
laust heldur áfram allt líf sitt, án Guðs og án þess að hirða
um, hvað rétt sé aða rangt, að hann eigi fyrir höndum þunga
raun.
Svo bjart var yfir lífsskoðun og kenningu séra Benedikts, að
hann gat ekki hugsað sér að nokkur maður breytti svo illa, að
hann næði ekki til Guðs um síðir.
Gunnlaugur Snorrason, % Geitafelli.
Gjöf til Hólsneskirkju á Skagaströnd.
Laugardaginn 28. maí s. 1. afhenti kirkjukór Hólsneskirkju
hirkjunni til eignar 12 fermingarkyrtla, en daginn eftir (Hvíta-
sunnudag) fermdi sóknarpresturinn, séra Pétur Þ. Ingjaldsson,
9 börn, og voru þau skrýdd hinum nýju kyrtlum, að undan-
tekinni einni stúlku, er klædd var skautbúningi. í messunni
þakkaði sóknarpresturinn gjöfina fyrir hönd kirkjunnar og
úrnaði gefendum alls góðs í framtíðinni.
Guöm. Kr. Guðnason.