Kirkjuritið - 01.04.1957, Blaðsíða 5

PÁSKAHÁTÍÐIN
147
Draumar vorir og rannsóknir á lífi sálarinnar bendi skýrt á
sjálfstætt líf mannsandans.
Vér höfum spurt skáld og sjáara og séð í fegurstu trúarljóð-
um þeirra mistrið hörfa frá og himin Guðs brosa við oss eins
og föðurauga.
Og reynsla sjálfra vor hefir orðið sú á helgustu stundum
æfi vorrar, að vér höfum glöggt fundið til nálægðar Guðs og
kærleika hans. Oss hefir þótt sem hann sjálfur kæmi nær og
eilífðin, en hitt eins og fjaraði frá oss. Vér höfum þá fundið
bærast í sál vorri krafta. sem ekki voru af þessum heimi, og
horft út yfir gröf og dauða inn í sælu annars lífs.
Ekkert af þessu hefir þó veitt oss fullnaðarsvar, því að oss
hættir til að efa það í lengstu lög, sem vér þráum heitast.
Það er í dýpstum skilningi aðeins eitt svar, sem oss fær nægt
og svalar þránni eftir eilífu lífi. Það er svar páskanna — upp-
risa Jesú Krists.
Þegar ég var prestur í Stykkishólmi, heyrði ég stundum
berast inn til mín óm af margradda söng undra fögrum, og
gekk ég oft út að hlusta. Þessar raddir voru óteljandi margar
°g með misjöfnum hreim, en mynduðu þó samstilltan klið —
svanakvak af vogunum. Því lengur sem ég hlýddi á, því betur
tókst mér að greina raddirnar, og stundum hóf sig ein og
ein upp yfir hinar titrandi af fögnuði yfir lífinu. Aldrei gleymi
ég þeim unaðssöng.
Og þó er annar söngur þúsundfalt fegri. Sigurfögnuður og
npprisulofgjörð frumkristninnar og Nýja testamentisins. Hann
hljomar þar frá hverri blaðsíðu. Og enn má greina einstakar
raddir. „Ég hefi séð drottin", segir María Magdalena. Á líkan
hátt segir Páll postuli: „Hefi ég ekki séð drottin Jesú? ....
Það kenndi ég yður fyrst og fremst, að Kristur dó .... og er
"PPrisinn á þriðja degi samkvæmt ritningunum, og að hann
birtist Kefasi, síðan þeim tólf; síðan birtist hann meira en
fimm hundruð bræðrum í einu, sem flestir eru á lífi allt til
þessa, en nokkrir eru sofnaðir. Síðan birtist hann Jakobi, því
næst postulunum öllum. En síðast allra birtist hann einnig mér
ems og ótímaburði; því að ég er síztur postulanna, og er ekki