Kirkjuritið - 01.04.1957, Blaðsíða 15
Neskirkja í Aðaldal
Árið 1953 átti kirkjan að Nesi í Aðaldal fimmtíu ára afmæli.
Ætlunin var að minnast afmælisins með hátíðarhöldum á því
sumri. En ýmsar ástæður hindruðu, að slíkt gæti orðið. Kirkj-
unni bárust miklar gjafir á þessu og næstu árum. Endurbætur
ýmsar hafa verið gerðar bæði á kirkjuhúsinu og kirkjugarð-
inum. Söfnuðurinn stóð einhuga um þessar umbætur og sá
hvorki í tíma né peninga, til þess að allt yrði sem bezt af
hendi leyst.
Saga kirkjunnar er í stuttu máli þannig:
„Árið 1903 var reist timburkirkja að Nesi í Aðaldal, stærð
er 14X11 álnir, söngloft í vesturenda, 4 álnir þvert yfir kirkju,
en frá því svalir að norðan og sunnan 3 álnir. í kirkjunni eru
13 fastir bekkir, er hver rúmar 6 til 7 manns, og auk þess eru
12 lausir bekkir í kór og á lofti. Kirkjan er tumlaus, en stór
kross prýðir hana.“
Þannig er í stuttu máli lýsing kirkjunnar, árið eftir, að hún
er reist. Við þetta má bæta, að byggingarkostnaður var kr.
3846.00, og var það mikil upphæð fyrir lítinn söfnuð í þá daga.
En peningarnir voru að mestu til í sjóði. Skuld var aðeins kr.
350.00. Orgellaus var kirkjan fyrstu árin. Forsöngvari hafði lengi
verið Bjarni Benediktsson bóndi, Hellnaseli (d. 1947). Var hann
söngmaður góður og mikill fjörmaður. Árið 1907 var keypt
notað orgel, en dágott. Og orgelleikari var ráðinn Jón Jónsson
1 Brekknakoti í Reykjahverfi. Voru honum greiddar kr. 2.00
fyrir hverja ferð niður í Nes í söngerindum. Þetta var löng
leið og oft erfið. Brekknakot er í annarri sveit og annarri sókn,
°g yfir lága heiði að fara og Laxá, sem oft var slæmur farar-
tálmi.
Nýja kirkjan var reist lítið eitt sunnar en sú gamla, sem var