Sjómannadagsblaðið - 06.06.1948, Qupperneq 32

vistarverum skipverja og farþega, allt er þetta langt
fram yfir það sem við höfum átt að venjast og gert
okkur vonir um.
Raddir 'hafa heyrst um, að þar sem hér sé ekki um
farþegaskip að ræða, gangi það óhófi næst hvað hér
sé mikill íburður 'á öllum mannaíbúðum. Sem 'oetur
fer eru þessar raddir fáar, og áorka engu, en geta samt
gefið tilefni til að þetta sé örlítið yfirvegað.
Það er óhætt að segja að stórfeld bylting hafi orðið
hér á landi síðustu árin í húsnæðismálum þjóðarinnar.
Ibúðir eru hlýjar, bjartar og rúmgóðar, ásamt mörg-
um öðrum þægindum, og þetta breytist til batnaðar
svo að segja daglega, eða með hverju nýju húsi. En
þessi skip sem við byggjum nú, eigum við að búa við
næstu tvo til þrjá áratugi. Og er ekki sjálfsagt og eðli-
legt, að menn sem eru um borð í skipunum, að þeir
hafi sömu eða álíka aðbúð, og menn í landi, því það
er aðgætandi að skipið er heimili mannsins meðan
'hann er á því, og því betri aðhlynning og íbúð, því
ánægðari ættu menn að vera þar. Þetta hefir stjórn
Eimskipafélags Islands séð og skilið, og ber henni
þakkir fyrir.
Mikill mannfjöldi fagnaði skipinu er það lagðist að
■bryggju og næstu tvo daga var öllum heimilt að koma
um borð í skipið og skoða það. Var leyfi það óspart
notað. Því mannfjöldinn var svo mikill um borð, að
eiginlega var hvergi hægt að þverfóta, og voru það
jafnt ungir sem gamlir, konur sem karlar. Þó að um
þetta réði að mestu löngunin til að sjá nýtt og fallegt
skip, og skoða það sem slíkt, mun þó undir niðri hafa
vakað sú hugsun, að hér væri nýtt og fullkomið tæki
í framtíðarbaráttu okkar við sollin sæ og allskonar
erfiðleika. Einnig tæki sem væri boðberi þjóðarinnar
og flytti tákn hennar — þjóðarfánann — vítt um
heim. Og þar sem ætlunarverkið var svo mikilvægt,
þyrfti hver einstaklingur að fara sjálfur um borð og
leggja blessun sína yfir skipið.
Skipshöfnin eru 33, er skiftast þannig eftir störfum:
Skipstjóri, 3 stýrimenn, 4 vélstjórar, 3 aðstoðarm. í vél,
4 smyrjarar, 10 hásetar, Loftskeytamaður, bryti, 2
kokkar og 4 þjónar.
Yfirmenn skipsins eru hver á sínu sviði meðal elztu
og reyndustu manna Eimskipafélagsins. Skipstjon
Pétur Björnsson, 1. stýrimaður Haraldur Ólafsson, 2-
stýrimaður Eyjólfur Þorvaldsson, 3. stýrimaður Guð-
ráður Sigurðsson, 1. vélstjóri Hallgrímur Jónsson, 2-
vélstjóri Björn Jónsson, 3. vélstjóri Asgeir Magnússon
og 4. vélstjóri Arni Beck. Loftskeytamaður Jón Matt-
híasson. Bryti Frímann Guðjónsson. Þeir ungu menn
sem byrja sjómannsferil sinn þar um borð, ættu að
vera vel settir með að njóta tilsagnar og stjórnar þessara
þaulvönu sjómanna. Enda verður nóg að starfa til við-
halds og fegrunar hinu fríða skipi.
Guð og gæfan fylgi skipi og skipshöfn.
Þ. Björnsson.
12 SJÓMA-NNADAGSBLAÐIÐ