Sjómannadagsblaðið - 03.06.1963, Page 37

Rússneskir
toghlerar
í rússnesku fiskveiðitímariti er
skýrt frá því, að gerðar hafi verið
ýtarlegar og athyglisverðar tilraunir
með nýtt fyrirkomulag á toghlerum
botnvörpuskipa og hafi þeir reynzt
sérstaklega vel. Þeir séu auðveldir
í meðförum og stytti verulega tím-
ann við að láta út og taka inn botn-
vörpuna.
Eins og sjá má af meðfylgjandi
teikningu og ráða má af skýringu
hins rússneska skipstjóra, sem gert
hefur tilraunir með þetta, gengur
togvírinn í gegnum sívalan hólk, sem
tengdur er við brakketin. Þegar
varpan er dregin inn, kemur þessi
hólkur inn í sérstakan útbúnað í
gálgarúllunni og stanzar þar, en los-
ar jafnhliða um togvírinn, sem þá er
hægt að draga hindrunarlaust áfram,
þar til „rosskúlan“ kemur í gálga.
Af frásögn skipstjórans má marka,
að nokkrir byrjunarörðugleikar hafi
mætt þessari nýju aðferð, sem eink-
um séu þeir, að hlerinn missi stöðug-
leika sinn við það að hanafótum og
bakstroffum er sleppt, en því megi
mæta með því að hækka yfirborð
hlerans frá brakketti um 4 cm. og
setja viðbótar þunga á hleraskóinn,
ennfremur sé þess að gæta, að á
norðlægum slóðum í frostaveðri eða
ísingu þurfi að berja ísinn vandlega
af hinum „automatiska“ útbúnaði
eða smyrja hann með sérstakri feiti.
En hagkvæmnin af þessari aðferð
komi einkum fram í því, að ekki
þurfi að tvílása úr, í sambandi við
hlera og „ross“, en hægt sé að hífa
vörpuna viðstöðulaust inn. Að losna
við grandrópa og hlerastroffur, og
þannig sé hægt að hreyfa bilið milli
hlera og „ross“ eftir því sem henta
þyki. Ennfremur að í því tilfelli, þeg-
ar hlerafesta verður, sé 4 tonna á-
taksútbúnaður í „hlerahólknum",
sem sleppi hleranum sjálfkrafa nið-
ur að „rosspatentinu", og með því
sé verulega dregið úr hættu á tapi
veiðarfæra og ýmsum erfiðleikum
við að ná vörpunni úr botni.
(Úr YVorld Fishing.).
Sjónvarpstœkni um borð í togurum.
Um borð í hinum nýja skuttogara og frystivinnslu skipi Junella, sem
J. Marr & Sons hafa látið smíða og er útbúinn öllum nýjustu tækjum á
sviði fiskveiða og fiskmeðferðar til framleiðsluvöru, er nú einnig verið að
gera tilraunir með notkun sjónvarpstækja, til þess að fylgjast með botn-
vörpunni í sjónum og ástandi aflans í fiskilestunum. Myndin hér að ofan
sýnir sjónvarpsmynd úr frystilestunum.
SJÓMANNADAGSBLAÐIÐ 23