Sjómannadagsblaðið - 03.06.1963, Page 54
Norðmenn eru oð koma sér upp
nýtízku togaraflota til fiskveiða
á heimamiðum og úthafsmiðum
Norðmenn hafa samið þriggja ára
áætlun um endurnýjun og nýbygg-
ingu stærri fiskveiðiskipa til úthafs-
veiða. Samkvæmt þessari nýju áætl-
un verður veitt meira fjármagn en
áður hefur verið til þess að afskrifa
óhagnýt og gömul skip og auknir að
verulegu leyti lánsmöguleikar til
byggingar nýrra skipa.
Fyrsta skrefið í þessa átt var stig-
ið nú nýlega er ríkisstjórn Noregs
tók inn á fjárlög sín heimild til Sta-
tens Fiskarbank að greiða 7 millj.
norskra króna (42 millj. ísl. kr).
Lánamöguleikar bankans hafa
einnig verið auknir að verulegu
leyti með því, að þetta ár verða veitt-
ar 58 millj. Nkr. 350 millj. ísl. kr.)
á móti 37 millj. síðastliðið ár. Lánin
verða veitt til nýbygginga skipa yfir
60 fet. Bankinn veitir þessi lán einn-
ig með töluvert lægri vöxtum en al-
mennt gerist, eða 7% á 1. veðrétt og
2% á 2. veðrétt. Á báða veðrétti er
heimilt að veita allt 70 til 80% af
kostnaðarverði skipanna. — Beinar
styrkveitingar til skipabygginga eru
ekki veittar af hálfu norska ríkisins,
hins vegar veitir Statens Fiskarbank
slíka styrki og fær til þess ákveðnar
fjárveitingar á fjárlögum hvert ár.
Þorskveiðar Norðmanna hafa um
langan aldur eingöngu verið stund-
aðar af smáum fiskibátum með línu
og net, og um langan aldur hefur
ríkt þar mikil andstaða gegn togara-
útgerð, þó hefur á síðustu árum dreg-
ið úr þeirri andstöðu, þegar mönnum
hefur orðið ljóst, hvern óhemjuafla
aðrar þjóðir hafa sótt með togara-
flota sínum á fjarlæg mið, m. a. á
fiskislóðir Norðmanna. I Noregi hef-
ur þó verið vísir að togai’aútgerð, en
heppnazt misjafnlega.
Nú eru Norðmenn augsýnlega að
koma sér upp glæsilegum togaraflota
af nýjustu gerð, ýmist minni gerðir
til veiða á nálægum heimamiðum og
stóra togara til úthafsveiða. Minni
togarana hafa þeir byggt sjálfir
heima, eftir teikningum af „Univer-
sal Star“ gerðinni (litlir skuttogar-
ar), en látið smíða fyrir sig í Þýzka-
landi stóra nýtízku skuttogara.
Stærri gerð norskra nýsköpunartogara.
\
Minni gerð norskra togara til fiskveiða á
heimamiðum.
íslenzkir fiskimenn
skara langt- fram
úr öðrum
Matvæla- og landbúnaðarstofnun
Sameinuðu þjóðanna, FAO, hefur
skýrt frá því, að Islendingar veiði,
borði og selji meiri fisk á hvern íbúa
en nokkur önnur þjóð í veraldarsög-
unni.
Árið 1961 veiddu íslendingar 703
þúsund tonn af fiski. Það eru um
það bil fjögur og hálft tonn á hvem
Islending.
Matvæla- og landbúnaðarstofnun-
in skýrir frá því, að íslendingar
flytji út 99 af hundraði af fiskafla
sínum, sem sé bezta tegund af þorski,
ýsu, síld, kola, lúðu og karfa eða
„red fish“, sem sé sérstök íslenzk
fisktegund.
Árið 1961 hafi þjóðin fengið 75
millj. og 67 þús. dollara fyrir fiskaf-
urðir sínar. Islendingar séu því 14.
í röðinni miðað við útflutningstekj-
ur af fiski.
Hinir 6000 íslenzku fiskimenn
afla meira en 115 tonn af fiski hver
á ári. I Bandaríkjunum er meðal-
talið um 25 tonn og er það talið mjög
hátt. Meðalafli hvers fiskimanns í
heiminum á ári er minni en 3 tonn.
Matvæla- og landbúnaðarstofnun-
in segir að Islendingar séu fremstir
þjóða heimsins við að reyna og nota
ný og nýtízkuleg veiðarfæri og tæki.
Að baki hverjum íslenzkum fiski-
manni sé 10 þús. dollara fjárfesting
í sterkbyggðasta fiskiflota heimsins.
40 SJÓMANNADAGSBLAÐIÐ