Skinfaxi - 01.05.2009, Síða 13

SKINFAXI – tímarit Ungmennafélags Íslands 13
Hermann Jón Tómasson, bæjarstjóri á
Akureyri, hefur komið mikið að undirbún-
ingi Landsmótsins á Akureyri sem for-
maður stjórnar fasteigna framan af kjör-
tímabilinu og þar af leiðandi fylgst náið
með aðdraganda uppbyggingarinnar á
Þórssvæðinu.
Stórglæsileg aðstaða
Aðspurður hvernig honum litist á sagði
hann að honum litist mjög vel á og aðstað-
an verði stórglæsileg þegar hún verði kom-
in í full not. Þó að Landsmótið sé upphafs-
punkturinn og fyrsta notkunin þá sé þessi
aðstaða komin til vera og Akureyringar
muni búa að henni til fjölda ára.
Höfum náð að klára
ákveðin verkefni
„Íþróttafólk hér um slóðir er búið að
bíða eftir því að þessi aðstaða yrði að
veruleika. Biðin hefur verið töluverð og
má rekja hana að nokkru leyti til þess að
það tók tíma að ákveða framtíðarstað-
setningu vallar. Það má segja að upp-
byggingin hafi gengið ótrúlega vel miðað
við aðstæður sem við búum við í þjóð-
félaginu í dag. Við höfum náð að halda
áfram og klára ákveðin verkefni þrátt
fyrir allt,“ sagði Hermann Jón.
Landsmótin eiga sér
mikla sögu á Akureyri
Hermann Jón sagði að Landsmótin
ættu sér mikla sögu og það væri mjög
skemmtilegt í þessari 100 ára sögu móts-
haldsins að mótið skyldi nú haldið á
Akureyri.
Landsmótið er
stór viðburður
sem gaman
verður að vera
þátttakandi í
Spennandi uppákomur
„Við höfum lagt upp úr því hér á Akureyri
að hafa spennandi uppákomur yfir sumar-
tímann. Það eru margir viðburðir fram
undan og einn sá stærsti þetta sumarið
er að sjálfsögðu Landsmótið sem bæjar-
félagið mun njóta góðs af,“ sagði Her-
mann Jón.
Mikil uppbygging í
gangi á Akureyri
– Má segja að með uppbyggingu íþrótta-
aðstöðu á Hamri sé hringnum í þeim efn-
um lokið á Akureyri?
„Það má alveg segja það að vissu leyti
en við erum ennfremur með í gangi upp-
byggingu á fimleikahúsi. Það er alltaf
hægt að finna einhver verkefni sem æski-
legt væri að ráðast í, en nú þegar erum
við komin með frábæra íþróttaaðstöðu
hér í bæinn. Ég er alveg viss um að
íþróttafólk á eftir að finna fyrir gríðarleg-
um mun þegar allri uppbyggingu verður
lokið. Ég sé fyrir mér að við getum núna
haldið smærri og stærri mót í frjálsum
íþróttum. Frjálsíþróttahreyfingin mun
örugglega nota þessa frábæru aðstöðu í
framtíðinni,“ sagði Hermann Jón.
Skemmtilegir dagar
Hvað Landsmótið áhrærir sagðist
Hermann Jón ekki eiga von á öðru en að
fólk sem legði leið sína á það ætti góða
og skemmtilega daga fyrir höndum.
„Ég hlakka til að vera í þessum hópi.
Landsmót er stór viðburður sem gaman
verður að vera þátttakandi í,“ sagði
Hermann Jón, bæjarstjóri á Akureyri.
Hermann Jón Tómass on,
bæjarstjóri á Akureyri: