Ægir - 01.09.1950, Blaðsíða 14

188
Æ G I R
ar likur fyrir því, að söfnun fiskgalls geti
verið allarðvænleg, að óbreyttum aðstæðum.
Á síðastliðnu hausti veiddist allmikið
magn af hámeri í Reykjanesröst. Þar sem
hér virðist vera um reglulega hámeragöngu
að ræða og nokkrar lílcur fyrir því, að hag-
nýta mætti aflann, tók rannsóknastofan sér
fyrir hendur að efnagreina hold, lifur og
lifrarlýsi hámerarinnar. Upplýsingar um
niðurstöður þessara rannsókna geta þeir
fengið, sem þess óska. Þess skal getið, að
í suðurlöndum er hámerin talin góður fisk-
ur til átu. Kunnugt er, að Norðmenn og
Danir stunda hámeraveiðar og selja fiskinn
til Miðjarðarhafslandanna.
Eins og endranær hefur rannsóknastofan
annast margvísleg ráðgefandi störf fyrir út-
vegsmenn og framleiðendur.
Fiskideild Atvinnudeildar háskólans
leigði á árinu mótorbátinn Kára frá Vest-
mannaeyjum til rannsókna á sjó. Skipið var
í þjónustu deildarinnar frá 10. júlí til 22.
september, og voru farnar tvær ferðir. Sú
fyrri stóð yfir frá 10. júlí til 15. ágúst, en
sú síðari frá 15. ágúst til 22. sept. 1 síðari
ferðinni var meðal annars togað á ýmsum
slóðum og merktur þorskur. 1 báðum ferð-
unum var safnað gögnum til svif- og sjávar-
rannsókna allt í kringum landið, en þaðan
vestur í Grænlandshaf og norður fyrir Jan
Mayen.
Síldarrannsóknunum var haldið áfram
eins og að undanförnu, og starfaði rann-
sóknastofan á Siglufirði frá því í byrjun
júní og fram undir miðjan september. Þar
voru rannsakaðar 3683 síldar með sama hætti
og venjulega, en auk þess var lögð mikil
vinna í það á árinu að greina síldina í stofna
eftir hreisturgerðinni. Rannsakaðar voru
309 síldar, sem veiðzt höfðu í Faxaflóa, 100
frá Fáskrúðsfirði og 402 frá norslca skipinu
„Vartdal“, en þær höfðu fengizt norður af
Færeyjum. Reyndist það vera norðurlands-
síld. Þannig voru rannsakaðar tæplega 4500
síldar samtals. Rannsakaðir voru 1180 síld-
armagar á Siglufirði, á sama hátt og und-
anfarin ár.
Það má telja viðburð, að þvi er varðar
síldarrannsóknirnar, að í febrúarmánuði
veiddist við Noreg sild, sem merkt hafði
verið á Skjálfanda árið áður. 1 ágústmán-
uði fannst í verksmiðjunni á Raufarhöfn
merki úr síld, sem merkt hafði verið við
Noreg vorið 1948. 1 íslenzlcu verksmiðjun-
um endurheimtust 49 síldarmerki, sem
merkt hafði verið með við Norðurland sum-
arið 1948. Eigi var hægt að merkja neina
síld á árinu sökum fjárskorts.
Mælt var 16 750 af þorski, aðallega á
vetrarvertíðinni, og kvarnir teknar úr 4750.
Auk þess voru mældir 3846 þorskar á
Kára og kvarnir teknar úr 1504, en
þannig hefur 20 596 af þorski verið mælt,
en 6254 kvarnað. 1 september voru merktir
1550 þorskar við vestur- og norðurströnd
landsins.
Ýmsir aðrir fiskar, sem til náðist á Kára,
voru rannsakaðir, og kvörnum var safnað
til aldursákvarðana. Þannig var mælt um
1200 af ýsu, en rúmlega 600 voru kvarn-
aðar.
Sjórannsóknir voru gerðar á 190 stöðum,
og var sjávarhiti mældur 1467 sinnum (á
ýinsu dýpi), en 1438 seltuákvarðanir gerð-
ar. 500 straumflöskum var varpað í sjóinn
á ýmsum stöðum undan Vestfjörðum og
Norðurlandi, en einnig milli Islands og Jan
Mayen.
Safnað var yfir 80 svifsýnishornum með
strannnaháf (Strammin-neti) og um 190
með silkiháf (Hensen-neti).
Loks var safnað 25 sýnishornum úr botni
í Faxaflóa, Þistilfirði, á Eiðisvik og við Jan
Mayen.
a. Sunnlendingafjórðungur.
Hinnar auknu þátttöku í útgerðinni, seni
áður hefur verið getið, varð einnig vart í
Sunnlendingafjórðungi, og varð tala báta nú
jafnaðarlega hærri í flestum inánuðum árs-
ins en verið hafði árið áður. Mest varð
þátttakan á vetrarvertíðinni í aprílmánuði,
285 skip alls, en árið áður hafði tala bát-
anna á vertíðinni komist hæst 257 í saina
mánuði. Um sumarið, er síldveiðarnar stóðu
sem hæst, varð tala bátanna í ágústmánuði