Ægir - 01.12.1978, Qupperneq 58

LÖG OG REGLUGERÐIR
Reglugerð
um merkingu skipa
Nr. 331/1978
1. gr.
Nafn hvers skips og heimahafnar þess skal
mála á afturstafn, ljósum stöfum á dökkan grunn
eða dökkum stöfum á ljósan grunn. Sé aftur-
stafn þannig lagaður að þessu verði ekki við kom-
ið, skal nafn þess og heimilisfang málað beggja
megin á hliðar þess við afturstafn. Á sama
hátt skal mála nafn skipsins á bóga þess.
Fiskiskip skulu, auk þess að vera merkt, sem
að ofan greinir, vera merkt umdæmisstöfum og
tölum á bóginn beggja megin.
Þá skulu fiskiskip einnig vera merkt með
skipaskrárnúmeri á báðar hliðar á brúarvæng, á
brúarþak eða annan stað, sem vel sést úr lofti að
mati Siglingamálastofnunar ríkisins. Stærð staf-
anna skal vera eins og greint er í 3. gr. og skulu
vera skýrt læsilegir hvítir stafir á svörtum
grunni eða svartir stafir á hvítum grunni. Stafa-
gerð skal háð samþykki Siglingamálastofnunar
ríkisins.
Á hvert skráð skip, sem þjóðemisskírteini hlýt-
ur, skal marka einkennisstafi þess á lúgubita
eða karm.
Skip, sem eru minni en 30 brl., þarf ekki að
merkja á eða við afturstafn.
2. gr.
Hvert skipaskráningarumdæmi hefur sína um-
dæmisbókstafi og skulu skráningarskyld fiski-
skip og bátar bera umdæmisbókstafi og tölur
þess umdæmis, sem það er skráð í.
Umdæmisbókstafirnir eru þessir:
AK Akranes
ÁR Árnessýsla
BA Barðastrandarsýsla
EA Eyjafjarðarsýsla og Akureyri
GK Guillbringusýsla
HF Kjósarsýsla og Hafnarfjörður
HU Húnavatnssýslur
ÍS ísafjarðarsýslur og ísafjörður
KE Keflavík
KÓ Kópavogur
MB Mýra- og Borgarfjarðarsýsla
NK Neskaupstaður
NS Norður-Múlasýsla og Seyðisfjörður
ÓF Ólafsfjörður
RE Reykjavík
SF Austur-Skaftafellssýsla
SH Snæfellsness- og Hnappadalssýsla
SI Siglufjörður
SK Skagafjarðarsýsla og Sauðárkrókur
ST Strandasýsla
SU Suður-Múlasýsla
ÞH Þingeyjarsýslur
VE Vestmannaeyjar
VS Vestur-Skaftafellssýsla
Skip og bátar, sem eiga heima í Kjósarsýslu
eða Hafnarfirði mega halda umdæmisbókstöfum
(GK) og tölum óbreyttum, en við frumskráningu
skips eða umskráningu vegna eigendaskipta, skal
það hljóta umdæmisbókstafina HF.
3. gr.
Hæð bókstafa í nafni og heimilisfangi skal
minnst vera þessi:
Á skipum 30 brl. og stærri ........... 15 cm
Á skipum undir 30 brl................. 12 cm
Hæð umdæmisbókstafa og talna og skipa-
skrárnúmers skal vera minnst:
Á fiskiskipum 30 brl. og stærri....... 15 cm
Á fiskiskipum undir 30 brl............ 25 cm
Á opnum vélbátum ..................... 20 cm
Hæð einkennisbókstafa ................ 15 cm
4. gr.
Á hvern björgunarbát, aðra en gúmmí- og
slöngubáta, skal marka stærð hans, lengd, breidd
og dýpt, og hámarkstölu þeirra manna, sem hann
má flytja, auk nafns skipsins og heimahafnar,
nema um bát á fiskiskipi sé að ræða, þá má
merkja hann umdæmisbókstöfum og tölum í
stað nafns og heimahafnar.
Bjarghringir skulu merktir nafni og heimahöfn
skipsins, eða nafni og umdæmisbókstöfum og
tölum, ef um fiskiskip er að ræða.
5. gr.
Bannað er að afnema einkenni þau, sem að
ofan greinir, eða afbaka þau, gera þau óþekkjan-
leg, hylja þau eða dylja. Sama gildir um útlend
skip, meðan þau eru innan íslenskrar landhelgi.
6. gr.
Sú skylda hvílir á skipstjóra skips að halda vel
við öllum merkjum, er skipi ber að hafa og sett
hafa verið á það.
582 — ÆGIR