Ægir - 01.12.1980, Side 56

ÁTÆKJAMARKAÐNUM
Dieselvélar frá Bergen Diesel,
LD- og KV - Iínurnar
Fyrirtækið Bergens Mekaniske Verksteder
(BMV) var stofnað árið 1855 í Bergen, eða fyrir
125 árum. Það hefur nú sínar aðalstöðvar um 25
km frá miðborg Bergen. Frá árinu 1965 hefur það
verið aðili að norsku Ankergrúppunni, sem er
félag margra aðila í Noregi með hliðstæða
framleiðslu og atvinnurekstur. Helstu
framleiðslugreinar BMV nú, eru skipasmíðar,
skipaviðgerðir, dieselvélaframleiðsla, framleiðsla á
vökvaknúnum vindum, ýmiskonar búnaði til
fiskveiða og olíuborunar.
Skipasmíðarnar eru umfangsmesti þáttur starf-
seminnar en fyrirtækið framleiðir skip af mörgum
gerðum, bæði farmskip og fiskiskip af stærð allt
að 40.000 tdw. Jafnhliða skipasmíðunum rekur
fyrirtækið viðgerðarverkstæði, sem annast alhliða
skipaviðgerðir bæði á stálvirki og vélbúnaði skipa.
Framleiðsla á vökvaknúnum vindum (Nor-
winch) hefur verið snar þáttur í starfsemi þessa fyr-
irtækis. Vindurnar eru til hinna fjölmörgu nota
um borð i skipum bæði fiskiskipum og farmskip-
um, þær eru lágþrýstiknúnar og framleiddar að
öllu leyti af BMV, þ.e. vindan ásamt olíumótor,
olíudælu og stjórntækjum.
BMV er í framleiðslusamvinnu við aðila í Finn-
landi, Danmörku, Spáni, Ítalíu, Argentinu,
Bandaríkjunum,Singapore og Ástralíu, um fram-
leiðslu á Norwinch vindum þ.e. vindum án
olíumótors, oliudælu og stjórnventla, en þeir
hlutir vindnanna eru ætíð framleiddir í Noregi af
BMV.
Dieselvélaframleiðsla fyrirtækisins hófst jafn-
hliða skipasmíðinni. Fyrstu vélarnar voru
eingöngu framleiddar í þau skip, sem verið var að
smíða hverju sinni og voru framleiddar að því er
virðist samkvæmt framleiðsluleyfi frá öðrum die-
selvélaframleiðendum. Það var ekki fyrr en árið
1946, sem BMV hóf framleiðslu á dieselvélum sem
voru hannaðar af BMV. Þessar dieselvélar hétu
Bergen Diesel og voru fyrst og fremst framleiddar
til nota sem hjálparvélar um borð í skipum og til
rafaladriftar í landi. Árið 1963 komst á samvinna
milli Bergen Diesel og norsku Normo-Gruppen um
framleiðslu á dieselvélum sem nota skyldi
eingöngu sem aðalvélar um borð í skipum. Normo-
Gruppen er félag fimm norskra dieselvélaframleið-
enda þar sem BMV er leiðandi aðili.
Árið 1969 kynnti BMV nýja dieselvélalínu, KV-
línuna, en þá höfðu verið framleiddar dieselvélar
af svokallaðri L og R gerð, með samanlagða hest-
aflatölu 125.000 hö. Nú eru dieselvélarnar sem
framleiddar eru til framdriftar á skipum fram-
leiddar samkvæmt tveim framleiðslulínum, þ.e.
LD-línu og KV-linu. Vélar LD-línunnar byggja á
frumhönnun frá árinu 1946, sem hafa að vísu tekið
ýmsum breytingum í gegnum árin i samræmi við
tæknilegar breytingar á þessu sviði. Vélarnar eru
framleiddar í sex gerðum, LDM-6, LDMB-6,
LDM-8, LDMB-8, LDM-9 og LDMB-9 og spanna
aflsviðið frá 1065-1760 hö við snúningshraða 750
sn/mín eða 825 sn/mín.
Vélar KV-linunnar komu á markað eins og áður
sagði árið 1969, þessar vélar eru beint framhald af
Dieselvél frá Bergen Diesel, gerð Normo LDMB-9 ásamt skrúfubúnaði.
672 — ÆGIR