Tímarit lögfræðinga - 01.03.1952, Blaðsíða 10

4
Tímarit lögfræðinga
alhvatamönnum að stofnun Eimskipafélags Islands, sem
reynzt hefir eitthvert þarfasta og farsælasta fyrirtæki,
sem starfað hefir á Islandi. Var hann jafnan formaður þess
íélags frá stofnun þess 1914 unz hann fluttist af landinu
sem sendiherra í Kaupmannahöfn. Þá var hann og hvata-
maður að stofnun fjölmargra annarra fyrirtækja, er reynzt
hafa íslenzku þjóðinni til farsældar fram á þennan dag,
svo sem Sjóvátryggingaríélags Islands, Brunabótafélags
Islands o. fl. o. fl. Alþingismaður Reykjavíkur var Sveinn
Björnsson kosinn 1914—’16 og 1919—’20. Bæjarfulltrúi
var hann frá 1912—1920.
Árið 1920 verða þáttaskil í lífi Sveins Björnssonar. Það
ár var stofnað embætti sendiherra Islands í Kaupmanna-
höfn. Mjög þurfti að vanda val á manni í það embætti,
en svo vildi til, að enginn ágreiningur varð um það, hvern
skipa skyldi. Það var einróma álit manna, að Sveinn Björns-
son væri sá rétti maður í það embætti og heppilegra val
\ ar ekki hægt að gera, enda reyndist hann vandanum fylli-
iega vaxinn. Það leikur ekki á tveim tungum, að Sveinn
Björnsson hafi lagt grundvöilinn að utanríkisþjónustu Is-
lands þau ár, sem hann starfaði sem sendiherra Islands í
Kaupmannahöfn. Það var sá grundvöllur sem byggt var
á, er Island tók utanríkismál sín algerlega í eigin hendur,
með stofnun lýðveldisins 1944.
Þau ár, sem Sveinn Björnsson starfaði sem sendiherra
í Kaupmannahöfn, var hann jafnframt fulltrúi Islands á
fjölmörgum aiþjóðaráðstefnum. Hann var og formaður í
flestum nefndum, er fjölluðu um verzlunar- og viðskipta-
samninga Islands við önnur ríki, og jafnan var hann ráðu-
nautur ríkisstjórna Islands í flestum þeim málum, er vörð-
uðu skipti Islands útávið. Hann öðlaðist þannig víðtæka
pekkingu á viðskiptamálum og alþjóðastjórnmálum og
batzt vináttuböndum við áhrifamenn í mörgum löndum.
Sendiherraembættinu í Kaupmannahöfn gegndi Sveinn
Bjöi'nsson til ái’sins 1940, en þá verða enn þáttaskil í lífi
hans og starfi. Vegna hernáms Danmerkur kallaði ríkis-
stjórnin hann heim það ár til í'áðuneytis í þeim vandamál-