Tímarit lögfræðinga - 01.03.1952, Side 28

22
Trvwrií löyfrw.fiinpa
að nota grunnlínu, sem víkur hæfilega frá landfræðilegri
línu strandarinnar.
Sérfræðingarnir í annari undirnefnd annarar nefndar
á ráðstefnunni 1930, sem hafði með höndurn samningu og
skráningu alþjóðalaga, orðuðu að vísu fjörumálsregluna
nokkuð einstrengingslega („skal fylgja öllum bugðum
strandarinnar"). En þeir neyddust jafnfi'amt til að viður-
kenna margar undantekningar, er varða firði, eyjar nærri
strönd og eyjaklasa. Aðferð hinnar samsíða línu var í fyrra
sóknarskjali máls þessa höfð uppi gegn Noregi, en fyrir-
svarsmaður Hins sameinaða konungsríkis hvarf frá henni
í hinu ritaða svari og síðar i hinum munnlcga nrálflutn-
ingi. Hún hefur því ekki lengur þýðingu í máli þessu.
„Þvert á móti,“ segir í svari sækjanda, „er skurðbogaað-
ferðin, eða á ensku „envelopes of arcs of circles", sú aðferð,
sem Hið sameinaða konungsríki telur vera rétta.“
Skurðbogaaðferðin, sem stöðugt er notuð til að ákveða
legu staðar eða hlutar á hafi úti, er ný tæknisleg aðferð,
að því leyti sem hún er notuð til að draga markalínu land-
helginnar. Sendinefnd Bandaríkjanna á ráðstefnunni 1930,
er hafði með höndum samningu og skráningu alþjóðalaga,
stakk upp á þessari aðferð. Markmið hennar er að tryggja
notkun þeirrar meginreglu, að landhelgisbeltið skuli fylgja
strandlínunni. Hún er ekki bindandi að lögum, svo sem
málflytjandi Hins sameinaða konungsríkis viðurkenndi í
svarræðu sinni. Þar sem svo stendur á og þótt nokkrar af
niðurstöðum Hins sameinaða konungsríkis séu reistar á
notkun skurðbogaaðferðarinnar, telur dómurinn, að hann
þurfi ekki að taka þessar niðurstöður til meðferðar, að
svo miklu leyti sem þær eru byggðar á þessari aðferð.
Sú meginregla, að landhelgisbeltið verði að fylgja heild-
arstefnu strandarinnar, gerir unnt að finna tiltekin sjón-
armið, er gildi um afmörkun landhelginnar. Þessi sjónar-
mið verða skýrð síðar. Dómurinn lætur sér nægja á þessu
stigi að taka það fram, að ýmis ríki hafa í því skyni að
beita þessari meginreglu, talið nauðsynlegt að fylgja að-
ferð hinna beinu grunnlína, og önnur ríki hafa ekki haft