Tímarit lögfræðinga - 01.01.1969, Blaðsíða 51

Þannig býður skipulagið upp á seina og ótrygga með-
ferð dómsmála.
2. Segja má, að landið skiptist i 24 dómstólaumdæmi.
Eru þá kaupstaður og sýsla, sem saman er skipað um
einn dómstól, talin eitt umdæmi. Lögreglustjóraembættin
í Bolungarvík og á Keflavikurflugvelli eru og ekki talin
með, vegna sérstöðu þeirra. Verður þó að hafa í huga,
að þau eru í mörgum tilvikum sérstök umdæmi.
Gallar umdæmaskiptingarinnar eru m. a. fólgnir í því,
að við stofnun nýrra embætta hefur þess ekki verið gætt,
að þau fengju eðlileg staðarmörk gagnvart gömlu umdæm-
unum. Má þar sérstaklega tilnefna skiptingu Suð-Vestur-
lands. Þegar kaupstaðirnir Iveflavík og Kópavogur voru
gerðir að sjálfstæðum umdæmum, hefði átt að skipta
Gullbringu- og Kjósarsýslu upp á eðlilegan Iiátt miðað við
aðsetursstaði embættanna. Margir hafa einnig undrazt,
að yfirvald þeirra, sem Seltjarnarneshrepp byggja, skuli
sitja í Hafnarfirði en ekki í Reykjavík. Þessi galli er að
vísu frekar áberandi fyrir önnur störf embætta þessara
en dómstörfin, svo sem lögreglustjórn, en kemur dóm-
störfunum þó við.
Annars staðar um landið er það frekast áberandi, að
umdæmin séu of fámenn, nema helzt að því er lýtur sumri
lögreglustjórn og annarri stjórnsýslu henni skyldri.
Þessi fámennu umdæmi koma í veg fyrir eðlilega grein-
ingu málefna milli embætta og starfsskiptingu innan
þeirra, Að því er dómstörfum viðkemur orsakar þetta, að
úti um landsbj^ggðina koma of fá dómsmál til sumra
embættanna, svo að þeir, sem við þau vinna, fá ekki
nægilega æfingu í meðferð þeirra. Sú virðist raunin, ef
miðað er við dómsmálaskýrslur þær, sem fyrr er á minnzt.
Líklgt er einnig, að skipulagið hafi átt sinn þátt í, að
of fáir lögmenn hafa sezt að í byggðarlögum utan Suð-
Vesurlands. Þannig verða íbúar þessarra svæða að miklu
leyti að leita til Reykjavíkur um lögfræðiaðstoð. í byggðum
þessum heyrist líka oft um það kvartað, að þjónustu á
Tímarit lögfræðinga
45