Tímarit lögfræðinga - 01.08.1987, Side 86

skipaður 1981. — Dr. Bjarni átti sæti í stjórn Bandalags starfsmanna ríkis og
bæja 1964-69 og var á þeim árum tilnefndur af bandalaginu í Félagsdóm.
Hann var formaður Prestafélags islands 1968-70, sat kirkjuþing 1970-76 og
var sömu ár í kirkjuráði. Þá var hann fyrsti formaður siðareglunefndar Blaða-
mannafélagsins. Kona dr. Bjarna er Aðalbjörg Guðmundsdóttir frá Norðfirði.
Doktorsrit Bjarna Sigurðssonar skiptist í tvo hluta. Hinn fyrri fjallar um sögu
íslensks kirkjuréttar og skiptist í 4 kafla eftir tlmabilum. Síðari hlutinn kallast
Skipun íslensks kirkjuréttar og skiptist í 9 kafla. Auk inngangs er þar rætt um
kirkjuréttarleg atriði varðandi trúarlífið, um presta, söfnuði, prófasta, kirkju-
stjórnina, kirkjueignir, þátttöku íslensku kirkjunnar í alþjóðasamvinnu og um
kirkju og ríki. Dr. Bjarni hafði verið við framhaldsnám í Köln í 2 misseri, á
árunum 1968 og 1969. í hinni prentuðu útgáfu er ritgerð hans 412 bls.
Þór Vilhjálmsson
80