Ægir - 01.10.1995, Page 37

Nýjar fisktegundir á íslandsmiðum
Gunnar Jónsson.
í 7.-8. tbl. Ægis 1994 er greint frá sjö
nýjum fisktegundum sem fundist höfðu
á Islandsmiðum frá 2. útgáfu bókarinn-
ar íslenskir fiskar til aprílloka ársins
1994. Síöan þá hafa nokkrar fisktegund-
ir bæst við, þar af þrjár árið 1994 (maí
til desember) og fjórar til júníloka á
þessu ári. Þessar fisktegundir eru orðu-
fiskur, Polyipnus polli, stórriddari, Lepi-
dion guentheri, og durgur, Allocyttus
verrucosus, sem veiddust árið 1994, og
stutti silfurfiskur, Sternoptyx diaphana,
faxaskeggur, Flagellostomias boureei,
rauðskinni, Barbourisia rufa, og ósa-
þorskur, Arctogadus borosovi, sem veiðst
hafa á þessu ári. Hér á eftir verbur greint
frá þessum sjö fisktegundum og sagt frá
fundarstað þeirra vib ísland.
Ætt: Silfurfiskaætt, sternoptychidae
Orbufiskur, Polyipnus polli
Schultz, 1961
Stœrð: 5-6 cm.
Lýsing: Hávaxinn og þunnvaxinn
sporöskjulaga fiskur með mjög stór
augu og lóðréttan munn. Mest áberandi
eru öll þau ljósfæri sem prýða fiskinn
eins og verðlaunapeningar hangandi á
hliðum hans (sjá mynd). Ljósfæri þessi
eru í röðum og grúppum á haus, neðan
hauss og eftir kviðrönd sem og á stirtlu.
Einnig eru stór ljósfæri á hliðum. Uggar
eru frekar rytjulegir en þó greinilegir.
Smár veiöiuggi er á milli bakugga og
sporðs. Aftan við augu eru smágaddar
sem vísa upp og tveir smágaddar eru
framan vib bakugga. Hreistur er laust.
Sundmagi er vel þroskaður.
Litur er dökkur á baki en silfraöur á
hliðum.
Geislar í bakugga (B) eru 14-15(16), í
raufarugga (R) (15)16-17, fjöldi
hryggjarliða er 32-34. Gelgjur eru 10 og
tálknbogatindar á fyrsta boga eru 21-23.
Heimkynni: Orðufiskur hefur einkum
fundist í hlýrri hlutum Austur-Atlants-
hafs á milli 20°N og 10°S. Einn hefur
fundist subvestur af Madeira (30°55'N
og 25°19'V) og annar við Grænland. í
ágúst 1994 veiddist einn 5,5 cm langur á
400-500 metra dýpi í Grænlandshafi
(63°58'N og 28°45’V). Veiðiskip var rs.
Bjarni Sæmundsson RE. Annar veiddist
á 531-604 metra dýpi í Háfadjúpi
(63°19'N og 19°40'V). Sá var 4,4 cm og
veiðiskip var Andvari VE.
Lífshœttir: Úthafs- og miðsævisdjúp-
fiskur sem lítið er vitað um.
Ætt: Silfurfiskaætt, STERNOPTYCHIDAE
Stutti silfurfiskur, Sternoptyx
diaphana Hermann, 1781
Stoerð: 6-7 cm,
Lýsing: Hávaxinn og þunnvaxinn
fiskur með mjög stór augu og lóðréttan
munn. Uggar eru allstórir nema kvið-
uggi. Veiðiuggi er á milli bakugga og
sporðs. Sérkennileg ljósfæri eru í grúpp-
um undir nebri skolti, á kviðrönd og
einnig ofan eyrugga og ofan raufar, við
aftanverðan raufarugga og á milli rauf-
arugga og sporðs. Framan við kviðugga
eru örsmáir gaddar sem vísa fram og
svipaðir gaddar eru framan við rauf-
arugga. Allt útlit fisksins er hið sér-
kennilegasta (sjá mynd).
Fundarstaður stutta silfurfisks.
ÆGIR 37