Tímarit lögfræðinga - 01.06.1999, Blaðsíða 78

Sendinefnd íslenskra lögfrœðinga í Kína á fundi með dómsmálaráðherra Kínverska
alþýðulýðveldisins, Gao Changli. I fremstu röð er auk annarra Helgi Jóhannesson,
formaður lögfrœðingafélagsins, Ren Jisheng, formaður ktnverska lögmannafélagsins,
Ragnar Arnalds, farastjóri hópsins, og Olafur Egilsson sendiherra.
heimsótt og við hittum einn af varaformönnum Þjóðþings alþýðunnar, Cao Zhi.
Leiðsögumennimir sögðu okkur að hann væri líklega mikilvægasti einstakling-
urinn sem við hittum í heimsókninni til Kína. Þar fræddumst við um störf þings-
ins, en þingmenn eru um 3000, og Fastanefnd þingsins, sem er 150 manna
nefnd. Fastanefndin er mjög valdamikil og fer með hluta löggjafarvaldsins.
Eftir heimsóknina í þinghúsið heimsóttum við lögmannsstofur í Beijing.
Flópnum var skipt upp og fjórar stofur heimsóttar. Að mati okkar flestra var sú
heimsókn kannski það sem við komumst næst raunveruleikanum í Kína um
kínverskt réttarfar. Stofan sem minn hópur heimsótti, Gong Cheng skrifstofan,
var þriggja ára gömul, nýflutt í skrifstofuháhýsi í miðbænum, 18 lögmenn, 5
fulltrúar, samtals 30 starfsmenn. Stofan var nýtískuleg og búin fullkomnum
tækjum, tölvum o.þ.h. Þrír fjórðu hlutar starfseminnar voru tengdir alþjóða-
starfsemi ýmiss konar og fjárfestingum erlendra aðila í Kína. Þar kom fram að
stofan er skyldug til að sinna eins konar ókeypis lögfræðiaðstoð eina viku á ári.
Þetta er kvöð sem allir starfandi lögmenn hafa og skipuleggur Kínverska lög-
mannafélagið það hvenær og hversu lengi hver stofa sinnir þessu verkefni.
Verðlagning á útseldri vinnu minnti okkur á verðlagningu eins og gerist í
Bandaríkjunum og augljóst að hinn almenni Kínverji gengur ekki inn af götunni
til að biðja um aðstoð. Lögmennimir ræddu mikið um störf sín við samninga-
gerð ýmiss konar en svo virtist sem þeir væru ekki mikið í réttarsölum. Staðfesti
það kannski það sem áður hafði komið fram að fólk leysir deilumál sín inn-
byrðis sjálft eða með aðstoð sérstaks sáttasemjara. Gerðardómar taka síðan við
ef ekki næst samkomulag eftir þessum leiðum. FUuti starfa lögmannanna var
144