Ægir - 01.07.1996, Side 14

Ekkert eins spennandi og
nótaveiðar
Guðlaugur Jónsson skipstjóri á Elliða
Guðlaugur Jónsson fór 10 ára gamall að vinna á síld-
arplani ísbjarnarins austur á Seyðisfirði og 15 ára
gamall var hann orðinn háseti á síldarbátnum Ás-
berg. Hann velktist aldrei í vafa um hvaða lífsstarf
hann vildi stunda. Guðlaugur er í dag skipstjóri á
Elliða GK 445 sem er í hópi nýtískulegri nótaskipa
flotans með kælitönkum og flottrollsbúnaði og er
gerður út af Miðnesi í Sandgerði. Guðlaugur var
lengi með Jón Finnsson GK og margir tengja hann
því skipi og Keflvíkingi. Guðlaugur spjallaði við
blaðamann Ægis um borð í Elliða í Sandgerðishöfn
þremur dögum áður en haldið skyldi til móts við
norsk-íslenska síldarstofninn austur í Síldarsmuguna
svokölluðu. Skipið var allt á rúi og stúi og fátt sýnd-
ist sjóklárt en Guðlaugur sagði stefnt að brottför á
sunnudagskvöld og það mætti ekki dragast því ekki
mætti láta úr höfn á nýju skipi á mánudegi. Því lá
beint við að spyrja hvort hann væri hjátrúarfullur.
1 4 ÆGIR