Ægir - 01.07.1996, Síða 30

Skólaslit Stýrimannaskólans í
Reykjavík
Stýrimannaskólanum í Reykjavík var
slitið í 105. sinn frá stofnun skólans árið
1891 hinn 24. maí s.l.
Á liðnu skólaári luku 94 lögboðnum
skipstjórnarprófum til atvinnuréttinda:
Skipstjórnarprófi til 30 rúmlesta réttinda
luku 33. Skipstjórnarprófi til 1. stigs, sem
veitir 200 rúml. réttindi, luku 27. Skip-
stjórnarprófi til 2. stigs, ótakm. réttindi f.
fiskimenn, luku 25. Skipstjórnarprófi til
3. stigs, farmannaprófi, luku 9. Samtals
94 einstaklingar.
Skólaslitin hófust með píanóleik Bimu
Helgadóttur, sem lék sinfónísk tilbrigði
eftir Róbert Schumann.
í upphafi skólaslitaræðu minntist
skólameistari Sverris Guðjónssonar stýri-
manns, sem lauk skipstjórnarprófi 3.
stigs s.l. vor og drukknaði við strendur
Namibíu hinn 13. september s.l., Kristins
Jónssonar sem útskrifaðist af 1. stigi 1990
og Haralds Eggertssonar, sem lauk 2. stigi
1986, en þeir fórust báðir í snjóflóðinu á
Flateyri hinn 26. október s.l.; og fórst
Haraldur með allri fjölskyldu sinni. Þá
var sérstaklega minnst Ólafs Jóhannsson-
ar læknis, sem andaðist s.l. vetur, og
Kristjáns Aðalsteinssonar skipstjóra á
Gullfossi, sem lést hinn 23. mars s.l.
Ólafur kenndi heilsufræði og meðferð
slasaðra við Stýrimannaskólann og Vél-
skólann í 22 ár, en Kristján Aðalsteinsson
var formaður fyrstu skólanefndar Stýri-
mannaskólans og færði Bókasafni Sjó-
mannaskólans stórgjafir nokkru áður en
hann andaðist.
30 ÆGIR