Ægir - 01.12.1997, Blaðsíða 13

SAMLEIÐ MEÐ ÍSLENSKUM SJÁVARÚTVEGI
Hana varðar ekkert um eitthvert mark-
aðsverð fyrir vöruna hér uppi á ís-
landi. Hún metur bara hvað hún vill
og getur borgað fyrir þessa afurð og
ber hana saman við alla aðra matvöru
sem hún getur fengið. Þrátt fyrir gott
hráefni er alveg ljóst að ef verðið fer
alveg úr takti við það sem fólk er
tilbúið að borga hættum við að
selja vöruna. Við erum í bullandi
samkeppni við svínakjöt og
kjúklingakjöt og hvaða aðra mat-
vöru á markaðnum og verðum
að haga okkur samkvæmt því."
Veruleg aðlögun
Gunnar segist sjá hættur fram-
undan hérlendis. íslendingar verði að
passa sig á því að eyðileggja ekki
neysluna og skaða þannig eftirspurn-
ina með of háu verði. Þannig sé neyt-
endum í raun beint frá neyslu á afurð-
inni. Hættulegt sé að velta því vanda-
máli sem við séum að glíma við hér,
þ.e. hráefnisverðinu, yfir á markaðinn.
„Þetta er auðvitað ákveðið vanda-
mál því eins og gefur að skilja er ekk-
ert samhengi á milli hráefnisverðsins
sem menn eru að borga hér og síðan
þess verðs sem þeir hinir sömu fá fyrir
vöruna úti á markaðnum. SÍF hefur
þurft að mæta þessu með verulegri að-
lögun á síðustu árum. Okkar leið hefur
verið að klippa út sem flesta milliliði.
Við höfum farið sjálfir inn á markað-
ina, fjárfest í markaðsfyrirtækjum og
losað okkur við þá sem stóðu á milli.
Þar að auki flytjum við sjálfir helming
alls okkar hráefnis út með eigin skipi.
Það sparar okkur vitaskuld heilmikla
peninga."
Aðspurður hvar SÍF standi í sam-
anburði við hina risana tvo sem flytja
út fisk frá íslandi, SH og ÍS, segir
Gunnar Örn að fyrirtækið hafi eigin-
lega staðið mitt á milli. Hvorugt fyrir-
tækjanna hafi verið í saltfiski og þeir
hafi ekkert verið í frystum afurðum.
Samvinna þeirra við SH og ÍS hafi því
verið með ágætum.
„Ég vil ekkert vera að setja okkur í
einhverja röð, jafnfætis þeim eða ekki.
Við höfum tekið ákvörðun um að ein-
beita okkur að þeim hlutum sem við
kunnum og treystum okkur til þess að
gera vel. Stjórn SÍF hefur gefið út þá
yfirlýsingu að fyrirtækið muni ekki
fjárfesta í innlendum framleið-
endum og þar með erum við
ekki heldur að keppa við þessi
stóru fyrirtæki á þeim vett-
vangi. Ég á ekki von á öðru en
góðu samstarfi milli þessara
fyrirtækja hér eftir sem hingað
til."
Gunnar Örn Kristjánsson segir
rekstur á öllum fyrirtækjum
erfiðan. Það sé gaman þegar vel gangi
en það megi þó öllum vera ljóst að
það séu ekki alltaf jólin í viðskiptum
frekar en öðru.
„Sem betur fer hefur okkur tekist
vel upp hingað til og vonandi verður
framhald á því. Með því að dreifa
áhættunni tryggjum við okkur þótt
einn markaður sé tímabundið í lægð.
Samkeppnin er hörð og maður má
hvergi sofa á verðinum," segir Gunnar
Örn Kristjánsson.
„...afog frá að eingöngu
gamalmenni neyti saltfisks."
Hvítanes, fJutningaskip SÍF, siglir reglulega með saltfiskafurðir frá framleiðendum innan SÍF til kaupenda erlendis.
ÆGIR 13