Ægir - 01.03.1998, Blaðsíða 19

jA-Tækni og fiskvinnsla
SAMLEIÐ MEÐ ÍSLENSKUM SJÁVARÚTVEGI
framleiðendur á frystibúnaði. Það er
mun vænlegra en að fara beint út á
markaðinn, enda er Formax aðeins 25
manna fyrirtæki og hefur því ekki bol-
magn í víðtæka markaðssetningu,"
segir Hafliði.
íslensk fiskvinnslufyrirtæki
hugrakkir kaupendur
Viðbrögðin við þessari nýju tækni hafa
ekki látið á sér standa. Hafliði segir að
til að mynda hafi komið fulltrúar frá
Sabroe hingað til lands til að skoða
búnaðinn og von sé á fleirum.
„Við tókum líka þátt í sjávarútvegs-
sýningunni í Seattle í Bandaríkjunum í
nóvember síðastliðnum og þar vorum
við beinlínis á höttunum eftir sam-
böndum við frystaframleiðendur.
Þarna vakti búnaðurinn mikla athygli
og við munum næst kynna á sýningu í
Brussel í apríl þannig að við erum á
fullri ferð í kynningum þessa dagana
og „Pönnuþrællinn" er okkar aðal
áhersluefni. En það er líka mjög mikil-
vægt að hafa í huga að lykillinn að
„Pönnuþrælnum" er hugrekki kaup-
endanna að kaupa þessa nýju tækni og
gefa henni tækifæri og ég dáist stund-
um að því hversu mikið þetta hugrekki
er í íslenskri fiskvinnslu," segir Hafliði
og þeirri spurningu svarar hann ját-
andi að lengi megi koma við nýrri
tækni og aukinni sjálfvirkni.
„Það er ekki hugarflugið sem er tak-
markandi heldur fremur kostnaðurinn.
Ég sé þess vegna fyrir mér að áfram
verði stigin mörg skref í átt til tækni-
væðingar og sjálfvirkni.
Formax hf. hafði ekki áður verið
þekkt fyrir búnað af þessu tagi fyrir
fiskvinnslu en þekktast er fyrirtækið
vísast fyrir snyrtilínulampann sem er
með um 80% hlutdeild á heimsmark-
aði og varla hægt að segja að aðrir
snyrtilínulampar séu þekktir í íslenskri
fiskvinnslu. Hafliði segir að Formax
muni áfram framleiða snyrtilínu-
lampann en „Pönnuþrælnum" sé ætl-
að að skila fyrirtækinu góðum verkefn-
um í nánustu framtíð.
Hraðfrystihús Eskifjarðar
endurnýjar rækjuverksmiðjuna
Hraðfrysthús Eskifjarðar er um
þessar mundir að endurnýja rækju-
verksmiðju sína og er áætlað að taka
endurbætta verksmiðju í notkun á
árinu. Við það tvöfaldast afkasta-
getan frá því sem nú er.
Rækjuverksmiðjan hefur verið
rekin í eldra húsnæði, áföstu frysti-
húsi fyrirtækisins, en fer nú í 1100
fermetra húsnæði sem áður hýsti
fiskvinnsluna Þór og raunar verður
það hús stækkað um 3-400 fermetra
áður en verksmiðjan verður flutt.
Hraðfrystihús Eskifiarðar.
RAFALAR • RAFALAR • RAFALAR
STAMFORD
I AC GENERATORS FROM I
NEWAGE INTERNATIONAL
og fleirum
SMIÐJUVEGUR 28, Pósthóif 597 - 200 Kópavogi - Sími: 567 2800 - Fax: 567 2806
5 - 2370 KW
fyrir skip og bá
MDVÉLAR HF.
RAFALAR • RAFALAR • RAFALAR
fflR 19