Ægir - 01.03.1998, Blaðsíða 35
Tækni og fiskvinnsla
SAMLEIÐ MEÐ ÍSLENSKUM SJÁVARÚTVEGI
Flokkari sem nota má við flokkun á margs konar hráefni. Þessi búnaður byggir á
sjónrœnni tœkni þar sem myndavélar lesa hráefiiið sem fer ígegnum vélina.
á allra síðustu árum og hann telur fyr-
irséð að þannig muni þróunin verða.
„Það nýjasta í sambandi við pökkun
á fiski í neytendaumbúðir er að hverju
og einu stykki er pakkað inn þannig að
stykki sem áður fóru sex saman í poka
fara nú hvert og eitt í sína pakkningu
og síðan er valið saman í stærri poka.
Umbúðirnar eru sannarlega miklar en
engu að síður þá er ekki fyrirsjánlegt
annað en smápakkningar á fiski krefj-
ist mikilla umbúða. Neytandinn vill
borga hærra verð fyrir vöruna ef hún
er meðhöndluð á þennan hátt og með-
an svo er þá aukast umbúðirnar," segir
Benedikt.
Leitað að málmum
Eitt af þeim tækjum sem tilheyra pökk-
unarstiginu er svokallað málmleitar-
tæki og sannarlega kann að hljóma
undarlega að leita þurfi að málum á
þessu stigi í hágæðaframleiðslu mat-
væla en engu að síður er það rökrétt.
„Tækið leitar að málmum í vörunni
eftir að hún er komin í endanlegar um-
búðir og þetta er gert til að forðast
slys," segir Benedikt. „Það geta farið í
vöruna hnífsoddar eða málmhlutir úr
vinnslutækjunum og málmleitinni er
ætlað að koma í veg fyrir að pakkning-
ar með slíkum göllum fari út á markað.
Allir kaupendur á neytendapakkning-
um gera kröfur um að varan sé búin að
fara í gegnum málmleit af þessu tagi
og þetta sýnir enn hversu miklar kröf-
ur eru gerðar til fullunnina neytenda-
pakkninga."
Traustið á tækninni
er vaxandi
Benedikt segist í engum vafa um að
mikil trú sé almennt meðal fisk-
vinnslufólks á getu tækninnar til að
skila framþróun. „Ég held að trúin sé
vaxandi og menn leita stöðugt eftir
meiri fullkomnun með tækjunum.
Þetta er sama sjónarmiðið og erlendis -
ef ekki er Iagt í bestu fáanlega tækni á
hverjum tíma þá eru vinnslurnar ekki
samkeppnisfærar. Þetta hefur enda
sýnt sig hér á landi þar sem þau hús
sem hafa fjárfest í sjálfvirkni í pökkun í
neytendaumbúðir standa á heildina
litið hvað best að vígi í dag."
- Fjárfestingin í tækni er þannig að
skila sér þótt að hún kosti mikla pen-
inga í mörgum tilfellum?
„Já, það tel ég enga spurningu um.
Ef menn ætla að vera í framleiðslu
matvæla fyrir neytendur þá verður að
fylgja tækninni eftir. Og það er langt í
land, mikil þróun í gangi og fiskvinnsl-
an á eftir að verða miklu sjálfvirkari en
hún er í dag," segir Benedikt
- Telurðu þá að hönd fiskvinnslu-
fólksins eigi eftir að víkja fyrir raf-
eindastýrðum tækjabúnaði?
„Það stig nálgast stöðugt og stað-
reyndin er sú að innan skamms geta
menn almennt talið sig vera með bein-
lausa vöru og staðið við það. Tæknin
er sífellt að verða öflugri og gerir
mannshöndina um leið óþarfari," segir
Benedikt.
Flokkunarvélbúnaður sem einnig leitar að málmi í afurðunum sem unnið er með.
NCm 35