Ægir - 01.03.1998, Page 31
I Tækni og fiskvinnsla
SAMLEIÐ MEÐ ÍSLENSKUM SJÁVARÚTVEGI
ann, s.s. merki framleiðanda, gerir þær
að hans eigin," segir Páll.
Evrópubúar
vilja upplýsingar
Páll segir að í Evrópu sé sérstaklega eft-
irtektarverð krafa um meiri upplýsing-
ar um vörur, þ.e. að neytandinn vill
vita hvar fiskur er veiddur, hvernig
hann er unninn og þannig mætti
áfram telja. Krafan um þessi atriði
komi ekki hvað síst fram þegar um-
ræða er uppi um mengun í höfum, s.s.
gerðist fyrir skömmu þegar nýjar rann-
sóknir við Noregsstrendur sýndu
aukna mengun frá kjarnorkuendur-
vinnslustöðinni í Sellafield í Skotlandi.
Hvað þetta varðar telur Páll að íslend-
ingar hafi sóknarfæri með þann gæða-
fisk sem veiddur er hringinn í kringum
landið.
Fullvinnslan
og framtíðin
Framtíðin í fiskvinnslunni er greinilega
í átt til meiri vinnslu inn á neytenda-
markaði, það sem stundum er kallað
fullvinnsla sjávarafurða.
„Þessi þróun kallar mjög á hágæða
umbúðir og þar teljum við okkur nokk-
uð vel í stakk búna til að veita góð
gæði og þjónustu. Við erum í samstarfi
um umbúðaframleiðslu við Prent-
smiðjuna Odda og aðgangur okkar að
þeim prentvélakosti sem þar er gefur
okkur gífurlegt svigrúm og tryggingu
fyrir prentgetu.
Hvað varðar neytendaumbúðirnar
þá er mjög mikilvægt að menn rasi
ekki um ráð fram því umbúðirnar og
hvernig þær líta út er það atriði sem
grípur auga kaupandans í versluninni
þannig að þarna getur skilið milli feigs
og ófeigs. Fólk fær einfaldlega á tilfinn-
inguna að vara í fallegum öskjum sé
gæðavara og þar er komið að mikil-
vægasta atriðinu. Þetta sýnir glöggt
hve veigamiklu hlutverki umbúðir
gegna í því ferli sem framleiðsla og sala
á sjávarafurðum er í dag," segir Páll
Pálsson.
Magnús Gauti til Snæfells
Magnús Gauti Gautason tekur við starfi framkvæmdastjóra sjávarút-
vegsfyrirtæksins Snæfells í aprílmánuði næstkomandi. Magnús Gauti lætur á
sama tíma af starfi kaupfélagsstjóra KEA en félagið á mikinn meirihluta
hlutabréfa í Snæfelli hf. Ari Þorsteinsson hefur verið framkvæmdastjóri
Snæfells frá því fyrirtækið var stofnað á miðju síðasta ári en heldur nú til starfa
hjá dótturfyrirtæki SÍF í Kanada. Magnús Gauti Gautason hefur verið stjórnar-
formaður Snæfells hf. frá stofnun þess.
Gott ár hjá Síldarvinnslunni
Síldarvinnslan hf. f Neskaupstað skilaði 332 milljóna króna hagnaði á árinu
1997 sem er nálega 150 milljóna króna lakari afkoma en á árinu 1996.
Hagnaður fyrir skatta var á síðasta ári 494 milljónir króna en 498 milljónir árið
1996 þannig að mismunirinn á milli ára liggur að mestu í breyttum
skattskuldbindingum.
Rekstrartekjur Síldarvinnslunnar hf. í fyrra voru liðlega 4.100 milljónir króna
og höfðu hækkað um 16% frá árinu 1996. Eigið fé félagsins í árslok var um 2,5
milljarðar króna og jókst eiginfjárhlutfallið úr 36% í árslok 1996 í 46% í árslok
1997.
Betri afkoma hjá Tanga á Vopnafirði
Afkoma Tanga hf. á Vopnafirði batnaði verulega á nýliðnu rekstrarári
samanborið við árið 1996. Hagnaður af rekstri félagsins nam 66,5 milljónum
króna en 4,2 milljóna króna tap varð af rekstrinum árið 1996. Hagnaður af
reglulegri starfsemi Tanga hf. nam 71,9 milljónum króna á árinu 1997 sem
svarar til 4,3% af veltu tímabilsins.
Loðnu- og síldarvertíðir gengu vel hjá Tanga hf. og tók félagið á móti ríflega
72.000 tonnum af loðnu og síld sem er það mesta sem fyrirtækið hefur tekið á
móti á einu ári. Þar af fóru um 9.700 tonn í frystingu á Rússlandsmarkað. Til
samanburðar má geta þess að alis voru fryst rúm 2.500 tonn af loðnu og síld hjá
Tanga hf. árið 1996.
Bætt afkoma Tanga hf. stafar fyrst og fremst af velgengni í veiðum og vinnslu
uppsjávarfiska en félagið hefur fjárfest umtaisvert í þeirri grein á undanförnum
tveimur árum. Jafnframt hefur orðið veruleg áherslubreyting í rekstrinum og
hefur vægi bolfiskvinnslu minnkað verulega frá því sem áður var.
ÆGffi 31