Árbók Háskóla Íslands - 01.01.1947, Side 80
78
ritstörf hans og rannsóknarstörf bera vott um vísindalega ná-
kvæmni og sérstaka vandvirkni. Þau hafa verið íslenzkri hag-
fræði hin mikilvægustu. Með brautryðjandastarfi sinu hefur
hann stuðlað meira en nokkur annar að því að leggja vísinda-
legan grundvöll að íslenzkri haglýsingu. Fyrir því vill laga-
og hagfræðisdeildin votta honum virðingu sína og sæma hann
nafnbótinni doctor oeconomiae honoris causa.
Heimspekisdeild háskólans hefur ákveðið að gera þá Didrik
Anip Seip, prófessor í Ósló, og Sir William A. Craigie, fyrrv.
prófessor í Oxford, að heiðursdoktorum í heimspekilegum fræð-
um með þeim formála, sem hér segir:
Prófessor Didrik Arup Seip er meðal helztu málfræðinga
og kunnustu manna Noregs. Hann hefur ritað fjölmargt um
norska tungu bæði að fornu og nýju, ekki sízt um breyting-
ar hennar á ýmsum tímum, bæði fyrir innri þróun og ytri
áhrif. Um fomt norrænt mál er margt til frá hans hendi, og
er þar Norsk sprákhistorie til omkring 1370 merkust. Hér
má enn geta þess, að sumt af þessu snertir sérstaklega íslenzka
tungu eða bókmenntir að fornu. Prófessor Seip hefur unnið
mjög að góðri sambúð og vináttu meðal Norðurlandaþjóða,
verið í stjórn félagsins Norden og í ritstjóm tímarits þess.
Hann hefur verið við margan annan félagsskap riðinn og haft
margskonar þjóðnytjastarf með höndum, verið ráðunautur
þjóðleikhússins norska og í ritstjórn fyrir víðlesið alþýðlegt
fræðisafn, annazt aðalútgáfu rita höfuðskáldsins Wergelands
og margt fleira. Á þessu ári hefur hann gegnt prófessorsemb-
ætti í Ósló í 30 ár, og á þeim tíma verið rektor háskólans
árum saman, þar á meðal á styrjaldarárunum. Var hann þá
í fylkingarbrjósti meðal háskólamanna í andstöðunni móti hinu
erlenda hernámsliði og norskum stuðningsmönnum þess og
sýndi í því mikla karlmannslund; varð hann fyrir þessar salíir
að þola langa fangelsisvist bæði í Noregi og á Þýzkalandi.
Má hann því teljast einn hinn ágætasti fulltrúi frændþjóðar
vorrar, sem vakið hefur allra aðdáun bæði á tímum barátt-